東張西望丨大埔匡智松嶺二校被爆虐兒事件 學童雙手長期被綁 笠頭助「冷靜」

繼童樂居及保良局院舍後，近日再有特殊學校院舍爆出疑虐兒事件。大埔匡智松嶺第二校有學童疑被長期紥手、口水肩蓋臉，甚至用外套笠頭，相關辦學團體匡智會及教育局均稱會嚴肅跟進事件。昨日一集《東張西望》接獲該校前職員爆料，揭露校內職員的虐兒手法，該前職員更指校內疑有職場欺凌的問題。

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

該前職員爆料：「有老師及助教見學生有行為問題，就會用外套笠住對方的頭，等佢穩定情緒啩。而另當學生喊，有兩位老師就去按住佢個頭，仲有用口水肩遮住佢塊臉！」

{{hket:inline-image name="a3.png"}}{{/hket:inline-image}}

有前助教撰寫爆料信，有學童會用手「篤」自己又被長期紥手，「情況嚴重可以用手紥控制」，後家長發現有不妥，前職員受訪時表示：「家長帶學童去複診，發現其手臂又紅又瘀，原來有人長期綁住該學生的手，家長就報警。」前職員指事件是在家舍發生，最後一名家舍職員被解僱。

另外，爆料信直指有名學生有輕微情緒問題，叫幾聲同拍枱，無攻擊性，卻遭人用外套緊緊包頭，亦有有老師採用「屈手骹」及「撳穴位」的方法去對待學生。前職員認為以上種種對待學童的行為不合理，「當然係唔合理，點解要咁笠頭？有其他方法可以處理學生問題。同埋如果呢個學生可以笠頭，咁其他個個都笠得？」前職員就算面對投訴，校方採取事不關己的態度，「校長喺開會期間話匿名投訴跟進唔到，話『最多咪寫報告交畀教育局』。」

除了疑似虐兒事件外，校內亦發生疑職場欺凌事件，爆料者︰「大部分新人，同埋有啲做咗好多年嘅同事都受到欺凌而離職，例如副校唔鍾意某個老師，就會要求其他老師蒐集該老師唔好嘅事...」防疫指施亦做得不足夠，「校長冇戴口罩！同埋校方冇第一時間隔離受感染嘅學生，仲將佢哋分配去唔同嘅班別午休或者活動。」

{{hket:inline-image name="a6.png"}}{{/hket:inline-image}}

東張西望丨《愛回家》池美麗因捐贈貓物資受騙 假義工疑呃港人同情心圖利【下一頁】

撰文：娛樂組

圖片來源：TVB截圖