江嘉敏心口生粒粒收起性感 包到冚上遊艇難掩葫蘆形身材

江嘉敏近年劇集一套接一套，Chur到爆的她結果身體響起警號，導致皮膚毛囊發炎，臉部及上半身生滿粒粒，要出動厚遮瑕粉來掩蓋，加上抗生素藥物影響下搞到面腫腫，近日佢出海同陽光玩遊戲都冇得着比堅尼，認真冇陰功！不過包到實都依然冚唔到佢嘅葫蘆身形，唔少fans都睇到心心眼。

同場加映： 鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

江嘉敏拍攝劇集《黃金萬両》時，粉臉突然生滿粒粒，及後更蔓延至上身及膊頭位置，醫生指佢作息唔定時，啲衫又唔係日日洗，搞到毛囊有發炎症狀。服食抗生素更導致佢面腫腫，心口同膊頭都要用化妝遮住，真係好慘呀！平日都好大方騷身材嘅佢日前出海就收起心口，着上一件包到上頸嘅長袖泳衣，留言：「太陽請不要曬黑我的皮膚，請曬黑我爸爸媽媽的頭髮。#終於唔落雨#好嘢可以洗衫喇#太陽出來了」

{{hket:inline-image name="309272534_610532500549646_7924529859933417366_n.jpg"}}{{/hket:inline-image}}

雖然江嘉敏包到咁密實，但依然遮唔到佢嘅驕人身材，當佢瞓低嘅時候仲驚現不倒胸，真係漆黑中嘅螢火蟲，收都收唔埋。唔少fans都好滿意佢大派福利，大讚佢雙招牌長腿吸睛！

江嘉敏甩拖近一年，生活都keep住忙碌同精彩。江嘉敏對愛情冇特別追求，但相信緣分要嚟就擋唔住，一切隨緣,而佢身邊朋友都有為佢介紹。佢更表示愛一個上一課，上一段感情令佢學會要溝通，就算唔係拍拖，同屋企人都要好好溝通，非常正面積極呀！

圖片來源：Facebook