微服私訪動物園丨奚夢瑤持家有道全身行頭僅值10萬 何猷君身高再成焦點：似湊兩個仔

已故賭王何鴻燊四房兒子何猷君，近日被網友捕捉與名模老婆奚夢瑤一起帶同兒子何廣燊遊上海動物園。奚夢瑤一身裝束非常平民，一身行頭只係值十萬港元，以何家嘅家底嚟講真係非常「持家有道」，另外，何猷君嘅身高都再次成為討論焦點。

同場加映： 鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

奚夢瑤一身平民休閒打扮，再加個大熱韓風師奶鯊魚夾，真係好貼地。有網民肉搜佢一身打扮嘅價值，都只係值十萬。奚夢瑤身穿BalenciagaT恤約值$5,200；New Balance 2002R波鞋都只係約$1,200；而最貴都係佢嘅HERMES手袋約9萬港元，整個行頭加起來約$96,400。而其老公何猷君身穿嘅Brunello Cucinelli棉褲約$8,700港元、Gucci男裝鞋約$6,000，加起來約$14,700港元。

{{hket:inline-image name="i_src_746009642.jpg"}}{{/hket:inline-image}}

其實呢個價對何猷君夫婦嚟講都真係九牛一毛，唔少網民都話佢哋嘅打扮夠「平民」:「好多OL都有呢個行頭喎。」、「係佢哋平民，定啲平民充大頭鬼。」、「我一隻錶都過十萬。」

另外，佢哋一家嘅身高都成為咗焦點，奚夢瑤原本就好低調，不過都係因為其身高過於突出，引起網友注意；其中一張相見到奚夢瑤同何猷君一人一邊拖住仔仔何廣燊行動物園，何猷君身高明顯奚夢瑤矮一截，就好似媽媽帶住兩個小朋友咁，有網民打趣留言：「一個人帶兩個仔去動物園玩好辛苦。」而3歲嘅何廣燊都長高不少，睇怕媽咪嘅長腿基因都可以遺傳到畀佢呀！