下流上車族｜林敏驄爆喊道盡港人上車悲歌 為劇集作曲填詞 邀《聲夢》學員合唱

無綫台慶劇《下流上車族》將緊接《夢華錄》播映，演員陣容包括林敏驄、江美儀、鮑起靜、郭栢妍、羅毓儀、鄧智堅、林穎彤、關曜儁、丁子朗、袁文傑、朱凱婷、林景程、黃嘉雯等。《下流》尚未開播已引起網友關注，皆因該劇是「鬼才」林敏驄（阿驄）首部處男劇集；出名搞笑的阿驄將聯同飾演其太太的江美儀與兩位女兒郭栢妍、羅毓儀演盡港人上車悲歌，劇中更有好戲之人金像獎影后鮑起靜坐鎮。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

{{hket:inline-image name="285239360_7424326010971006_3206038323149259442_n_600.jpg"}}{{/hket:inline-image}}

無綫官方日前釋出兩條宣傳預告片，首條預告片的主角為飾演車志明的阿驄，只見阿驄一改平時無厘正經本色，語重心長地道出港人上車悲歌：「人與人之間最遠嘅距離係咩？就係你睇到嘅靚樓，你買唔到、住唔起呀！」親情及人情味亦是《下流》賣點之一，宣傳片中一度出現阿驄爆喊鏡頭，並大拋感性押韻Bite謂：「間屋企幾細唔係問題，最緊要一家人喺埋一齊！」

{{hket:inline-image name="46558.jpg"}}{{/hket:inline-image}}

至於第二條宣傳片，阿驄開首一句「落錯車 14 年，我無時無刻都諗住買番間屋」相信已說中不少港人的心酸事，片中「車家」為了上番車各出奇謀，阿驄到果欄搬貨賺錢、郭柏妍化身地產妹踩滑板派傳單等，當中最吸睛要數到郭栢妍與羅毓儀齊齊以女僕Look上陣到Cafe打工，造型可愛。之前憑《黯夜守護者》學生妹一角惹起關注的羅毓儀，在台慶劇中同樣獲得不少發揮機會，在宣傳片中見她一個女仔瞓天橋底之餘，更引來一班流浪漢圍觀，畫面喜感十足。

阿驄為了「處男劇」可謂出心又出力，身為「鬼才」的他親自為劇集主題曲《一家人》作曲填詞，更邀請了《聲夢傳奇》第一季畢業生文凱婷（Aeren）合唱。阿驄早前在社交網上載錄音 Making of，Aeren對著驄哥竟緊張到不停搣手指，非常可愛，阿驄則笑指自己差啲寫唔切隻歌：「到咗最後嗰日，我又有番少少靈感作到頭嗰幾句，咁咪作埋佢啦。呢個貫徹到我創作風格，就係你畀一年我，我都係最後嗰一日先做。」阿驄又大讚Aeren無得頂，完全符合他想要的感覺，並著監製要搵埋 Aeren一起拍劇。

{{hket:inline-image name="15.jpg"}}{{/hket:inline-image}}

Aeren 則指今次與前輩合作令她獲益良多：「以前都係一班人錄，今次感覺好唔同。」據知《下流》的插曲及片尾曲亦由阿驄親自操刀，令人相當期待。

{{hket:inline-image name="5.jpg"}}{{/hket:inline-image}}

下流上車族︳林敏驄爆曾志偉「踎求」邀做男一 江美儀驚拍檔失控用3日起底【下一頁】

圖片來源：大會提供