現年72歲的資深藝人黃文慧（Bonnie姐），入行超過50年，曾演過黃日華、翁美玲版本的劇集《射鵰英雄傳》的梅超風，與及劉德華、梁詠琪合演電影《嚦咕嚦咕新年財》內患有腦退化的奶奶，相信大家一定記得這些經典角色。Bonnie姐這次接受港台《一起走過》主持人楊紹鴻、文頌嫻訪問，大談這兩個經典角色之餘，還分享首次拍粵語片的經歷，及公開多謝人生中的伯樂。
同場加映：姊妹們的國際市場丨余德丞做暖男揀女友港島優先 阿正無法異地戀棄「牙買加Jeffrey」
Bonnie姐透露在15、16歲左右，成功考入仙鶴港聯電影公司的藝訓班，當時情形是「一腳踢」，幫公司處理不少雜務之外，其餘時間要上堂學化妝、行路禮儀、跳舞及武打等。當時老師包括劉家良、唐佳及李居安等，後來公司篩選出3男3女，而她就是其中一個，「我哋一簽簽咗5年合約，月薪500元，開心到我哋暈……條件就係唔准拍拖結婚，否則就要賠錢，仲有出街要化妝，唔准坐巴士，出入坐的士或者公司車接送，著衫開始要企理，佢哋有人教你襯衫，好嚴謹。」
御用中風王︳潘志文憶當年演鄭少秋經典角色 臨出街收律師信：香帥變盜帥【下一頁】
Bonnie姐正式接拍的首齣粵語片，是同曾江、陳寶琳、薛家燕及石堅等合演的《玉女英魂》，戲中演曾江阿媽，要化很核突的老妝，事後搞到她勁唔開心。問她角色是否很有發揮？她說：「有戲㗎，不過要我化老妝，講我後生時被人強姦，當阿仔大個就要化老妝演出，嗰時點識得拒絕，又好恨做戲，公司一簽就有個咁重角色……懵吓懵吓咁就拍。出咗街之後好收得，嗰時都唔知自己唔開心，公司老闆同我講對唔住，話我第一套戲唔應該畀我做呢個角色，因為化老妝嗰啲電車紋，舊時啲片畫到你好似貓咁；而家睇返嗰時自己都唔開心，老闆就安慰我話下一套戲一定做第二女主角，叫我唔好氣餒，公司一定重用你。」
一起走過︳孟海爆李小龍只得元華一個替身 同羅芙洛近6年情分手原因…【下一頁】
電影公司後來結束營運，Bonnie姐一度去馬來西亞巡演，幾個月後返到香港，剛巧是無綫開台第二年，昔日導師去了訓練班教人，於是向她招手再做學員，從此展開電視台事業，後期更接演《射鵰英雄傳》的梅超風，成為了經典的角色。至於覺得是否拍電視的代表作？她說：「算，初初我預備推戲，好在冇推監製王天林，呢個角色令我聲譽響起嚟，啲人會叫得出我黃文慧、Bonnie姐……當年我幾乎推走，同天林叔講『畀個咁醜樣角色我做？咁多靚女角色點解唔畀一個我做呀？奸同忠都唔會計較。』講完佢就叫我唔好推，話做完會有人叫得出我係黃文慧，之前拍咗唔少戲都冇人叫得出，佢真係咁講完我就滾眼淚，我捱過咗咁艱辛嘅年歲……嗰時喺無綫就嚟30歲，之後就上咗廣州搞酒店生意。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
提到電影的代表作《嚦咕嚦咕新年財》，相當有緣地同王天林再次合作，Bonnie姐說：「佢係我恩師同造就我，佢以前係住美孚，有幾次過去叫佢落嚟飲茶。（入行多年想多謝甚麼人？）天林叔固然係，事業上被佢造就出嚟，唔係拍到而家都冇人知我係邊個。另一個係杜Sir杜琪峯，呢個朋友真係唔話得，我哋傾得又玩得，佢識得睇我係有戲嘅。第3位就係周梁淑怡，佢係一個政治人物，唔可以樣樣提住佢，心入面應該要多謝佢，因為當年做幕後時提拔過我，但我唔長進恨做演員，所以我做番幕前……直至我喺廣州返落嚟，係佢叫我入亞視。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】