姊妹們的國際市場丨余德丞做暖男揀女友住港島優先 阿正無法異地戀棄「牙買加Jeffrey」

余德丞（Dickson）約滿TVB後，自由身獲ViuTV邀請主持全新綜藝節目《姊妹們的國際市場》，人生路不熟，幸好有黃正宜（阿正）這位好拍檔。這次五位女藝人跟不同國籍的男士配對，阿正只能望梅止渴，雖說「鳳眼」合乎國際市場需求，她卻認命未能跟外國型男過電。至於Dickson的揀偶條件，偏向香港女仔，同聲同氣，大方分享「暖男」追女必殺技的同時，還慘被阿正踢爆他最「冷」的一面。

{{hket:ul-video id="6729"}}{{/hket:ul-video}}

Dickson和阿正第一次合作，火花十足，阿正大爆男方還在TVB時，已經邀約合作拍YouTube，沒想到後來成為了電台同事，有緣份做節目拍檔。Dickson說：「我係阿正粉絲！成日聽佢電台節目，不過搵佢拍片就成日唔覆短訊。已讀不回。」阿正先後跟Dickson、魏浚笙（Jeffrey）合作，有「男神收割機」之稱，她笑說：「吓！我冇意識到原來Dickson都係男神，身邊好多朋友仔都鍾意佢。有次同朋友視像啦，我話同Dickson拍緊嘢，成班朋友尖叫！」

如果阿正不當主持而做節目嘉賓，咪可以順勢搵埋男朋友？「唉，唔好問我，源頭唔喺我度，問導演啦！我呢對『鳳眼』若然加埋凌晨食個杯麵，起身再腫少少，成個LA（洛杉磯）我殺晒！可能導演想我勒住，唔好騷擾班男人...呢次角色好似組爸、組媽咁樣...節目最後我都有個Jackpot（頭獎）嘅！」

余德丞初入行提出意見得罪人多 受力捧期離巢：方丈唔係咁小器【下一頁】

{{hket:inline-image name="DSC02462.jpg"}}{{/hket:inline-image}}

{{hket:inline-image name="DSC02446.jpg"}}{{/hket:inline-image}}

{{hket:inline-image name="DSC02443.jpg"}}{{/hket:inline-image}}

今次節目為「Dee姐」陳海寧、李昭南、何洛瑤、馬曉晴及王嘉盈五位女藝人作配對，男士有日本、泰國、法國和牙買加等不同國籍。阿正說透過五位男士追女仔的方法，體會到不同國家文化，她承認「牙買加Jeffrey」的確非常吸引，但未能過電，「唔關膚色事，係佢性格真係好Jeffrey，有中二病，需要姐姐照顧嗰種。其實我幾難同外國男仔溝通，佢哋捉唔到我啲好笑位，成日覺得我癲癲哋，嚇窒咗佢哋！」

口水多過浪花︳余德丞約滿TVB獲Do姐關照火速開工 商台開咪做客席主持：勁緊張【下一頁】

Dickson稱五位男生比較內歛，至於他有何追女仔小秘技？「細心體貼，平日袋定包紙巾，帶定件外套咁，行暖男路線。」身邊的阿正即時「倒米」表示︰「Dickson絕對唔係暖男！我問佢係咪會車另一半返屋企，佢竟然答視乎邊一區，對面海就唔車，放低喺就近地鐵站就算！女生FF（幻想）嗰個位，就係想同你喺車廂多啲空間傾偈談心囉！」

Dickson笑指揀女朋友「住港島區優先」，其次要鍾意食嘢，問到五位女藝人是否心水，他說：「幾位都可以傾吓偈，溝通吓，識耐咗先可以發展嘛！五位之中，Dee姐最貼近我嘅理想類型，因為佢住港島區，性格又爽朗！」

{{hket:inline-image name="273077373_2968021643463255_3238079713139327464_n.jpg"}}{{/hket:inline-image}}

{{hket:inline-image name="244771397_421918549279065_939788378703517145_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉