季前賽丨張繼聰掹車邊拍偶像劇感無憾 由凍拍到熱：有種共患難感覺

由張繼聰、姜濤、呂爵安（Edan）、邱士縉（Stanley）、陳卓賢（Ian）、郭嘉駿（193）、梁業（肥仔）等主演的ViuTV新劇《季前賽》，將於10月24日首播，阿聰今次有份演出青春偶像劇，笑言可能是最後一套，「我覺得自己賺咗，幾廿歲仲可以拍到青春偶像劇，我諗係最後㗎喇，掹車邊啦，唔係做阿爸嗰啲喎，而係做大哥哥喎，所以都覺得無憾，認識咗一班新朋友。」

{{hket:ul-video id="6808"}}{{/hket:ul-video}}

{{hket:inline-image name="DSC02336.jpg"}}{{/hket:inline-image}}

{{hket:inline-image name="DSC02320.jpg"}}{{/hket:inline-image}}

阿聰在《季前賽》中，飾演喪波一角，「佢本身係一個小巴司機，但係佢亦都係一個籃球教練，隊員有姜濤、Stanley、肥仔、193，覺得佢哋好有潛質，因為一啲事就要進行一場比賽，喪波就做咗佢哋嘅教練。」

《季前賽》丨Edan@MIRROR Po兄弟瞓覺醜照放過姜濤？ 肥仔災難級走樣 麻利讚嘆：好癲！【下一頁】

拍以運動為題材的劇集，難免要吃苦，每日在片場上，跑來跑去，還要抵凍捱熱，不過阿聰卻樂在其中，「開心嘅係，有少少似大家共過患難，我哋由極凍拍到極熱，由1月開始拍，好凍，我哋喺籃球場拍通宵，凍到不堪，佢哋又辛苦，成晚著住件穿背心走來走去，係極凍，埋位嘅時候又要噴濕自己扮出汗，我都好辛苦，成晚坐喺度唔郁，每個鏡頭都會拍到我，因為我係教練㗎嘛！後期好熱嘅時候，佢哋又辛苦啦，日班12個鐘要曬住，我都要12個鐘曬住，又凍過又熱過，所以拍戲最開心係咁，一班人拍得好融合，大家都想做得好，真是有嗰種共患難嘅感覺，對於我嚟說，係拍電視劇最大嘅樂趣，係共同回憶，所以有時拍完套劇就做到friend，friend又friend好耐，因為大家經歷過同一樣嘢丫嘛！」

Edan呂爵安@MIRROR拍《季前賽》被隊友嫌棄 「大家唔參與我射3分波嘅場口」【下一頁】

跟一班青年偶像合作，阿聰坦言合作過後，發現他們很勤力，工作態度很好，大讚曾打過區隊的Stanley打籃球打得很好，在劇中飾演三分神射手的Edan，他的三分波亦射得很準確，「姜濤係波癡，睇得出佢花咗好多時間練籃球，係令我肅然起敬，佢真係喺籃球上有付出過、磨鍊過，可能我都係咁樣，我打波就會變咗第二個人，好認真，所以我又幾欣賞佢（姜濤）喎，亦係因為咁，我哋好快就傾得埋，大家覺得佢好成功，好多人都鍾意佢，但其實佢面對好多壓力，佢要面對嘅，唔係佢呢個年紀應該要面對嘅事，我覺得佢handle得好好，其實佢哋個個都係。我諗番自己廿幾歲嘅時候，都未有事業，開始都未開始，22歲，姜濤已經做到咁樣，所以我覺得佢好叻仔。」

{{hket:inline-image name="20.jpg"}}{{/hket:inline-image}}

{{hket:inline-image name="21.jpg"}}{{/hket:inline-image}}

阿聰由童星出身，演出過無數節目、劇集、電影，演藝經驗豐富，但他看到這班年輕一代的努力，不得不佩服他們，「以佢哋嘅年紀嚟講，真係唔容易，喺拍攝過程，佢哋好專業，其實佢哋都好辛苦，因為要拍打籃球嘅場面，閒閒地打12個鐘，每日不停咁走嚟走去，好叻呀，所以佢哋成功絕對係有原因。」

服裝：PETROLHEAD
撰文：黃曉妍
攝影：林君茹、何家賢

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】