吳若希趕及返港慶祝結婚5周年 網友叫兩公婆「大戰」：結紮先

吳若希（Jinny）聯同陳展鵬、洪永城、戴祖儀及吳業坤等，北上拍攝無綫新劇《香港人在北京》，之後去廣州舉行個人演唱會。近日吳若希已經返港，繼續拍攝餘下戲份；最幸運是能夠趕及慶祝結婚5周年，同老公二人世界撐枱腳，她在IG幸福放閃，圈中人及網友送上祝福。

{{hket:inline-image name="310691201_193815756441237_8215246080839383496_n.jpg"}}{{/hket:inline-image}}

{{hket:inline-image name="10122001.jpg"}}{{/hket:inline-image}}

同場加映：姊妹們的國際市場丨余德丞做暖男揀女友港島優先 阿正無法異地戀棄「牙買加Jeffrey」

{{hket:ul-video id="6729"}}{{/hket:ul-video}}

吳若希這次上載兩公婆sweet爆合照，少不免又勁窒老公Alex何兆鴻，有網友認為他們幾個月冇見，可以「大戰一場」，又大讚Alex有心有力，吳若希卻搞笑回應：「結紮咗先啦！」似乎真的怕有意外令她懷上第三胎。好友Mayanne麥美恩直接咁話：「恭喜晒，係時候生多隻，何生有心有力！」吳若希反問：「生完係咪你領養？」Mayanne笑說：「改姓麥嘅…我OK！」

鋪鋪Poker｜吳若希被老公爆成日喺屋企咆哮 Alex享受「被虐」：尊嚴一早冇咗【下一頁】

之後有網友留言讚Alex，「何生有氣質」、「何生好尊重場合，gel哂頭」，吳若希卻寸老公稱︰「你哋咁嘅說話都講得出」、「佢等呢張相等咗成晚！餐廳職員一話幫我哋影相佢就企起身！積極嘅程度令到我呆咗」。對比她回應陳煒、戴祖儀、張寶兒、袁偉豪及莊鍶敏的祝福留言，明顯溫和好多。二人都是耍花槍，見老公精心計劃慶祝晚餐，影合照時她亦流露出幸福女人look，開心表示趕得切返嚟慶祝結婚周年。

（↓點擊放大睇圖片↓）

吳若希在電視城拍攝《香港人在北京》時，受訪時分享在內地開工時感受，「我喺內地冇小朋友喺身邊時，覺得回復單身，哈哈！但係返到嚟第一眼見到小朋友係好開心，但當你連續幾個鐘，每隔2分鐘，聽到『媽咪媽咪』，仲要2個小朋友一齊嗌，就會諗我嘅寧靜生活去咗邊？真係開心嘅，好耐冇見佢哋，又去關口接我。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】