林鈺洧恨與爸爸林俊賢演兄妹 華爾街之花許子萱：金融業有靚女

今年港姐三甲，包括冠軍林鈺洧(Denice)、亞軍許子萱（Cecca）及季軍梁超怡（Joey）可謂新聞多多，當中林鈺洧贏得后冠後多次成為娛樂頭條人物，包括被指曾陷三角戀、欠債50萬等。對於自己狂惹是非，Denice承認被冤枉亦不開心，但獲父親林俊賢送暖：「佢話無乜嘢，時間可以沖淡一切，亦要多謝佢啲影迷愛屋及烏，令更多人認識我。」

同場加映：  美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

27歲的林鈺洧於決賽當晚在問答環節示範「喜、怒、哀、樂」表情搶分，最終以平穩表現大熱當選；亞軍許子萱兼奪國際親善小姐；季軍梁超怡則同時獲最上鏡小姐，日前三人齊齊受訪，暢談參選港姐的心路歷程。Denice直言已適應港姐的名銜，回想當選後其「性女」言論再被翻炒，她強調當年只是跟隨所屬公司安排：「當年未諗過會選港姐，自己付出100%努力去做好工作。」她透露長久以來最想做多啲慈善工作，參選港姐亦屬機緣巧合：「今年有長輩同我講選港姐可以做到相關嘅嘢，而家都算向目標邁出一小步。（父親反對參選？）我有問過佢，最終都有好嘅結果，而家社會地位提升又做咗冠軍，都算做咗一個好好嘅決定（參選）。」

{{hket:inline-image name="15.jpeg"}}{{/hket:inline-image}}

談及身在內地的父親林俊賢，Denice大讚這位型佬：「如果佢返香港都可以合作拍劇，仲可以演兄妹。（演情侶？）道德上有問題，兄妹好啲......佢已經62歲仲Keep得咁好，仲會日日做運動。」對於揀男友是否要如父親一樣身型fit爆，她笑言：「無明確標準，都要睇緣分，暫時專心工作未諗成家。」她坦言「以父之名」對參選港姐亦有幫助：「爸爸嘅粉絲會因此愛屋及烏認識我、鍾意我，否則佢嗰代觀眾未必識我呢個小妹妹。」
 
提到盡地一鋪以27歲「高齡」第二次參選，Denice稱：「可以講天時地利人和，如果20歲去參選港姐心智未夠成熟，而家知道自己要乜，今年係最Ready、最合適時間。」對於自己當選後是非不絕，多次成為娛樂新聞頭條人物，Denice面對壓力亦從容面對：「處理呢啲壓力係公眾人物嘅一部分，大家話我有啲黑歷史，但大部分都係假新聞，把口生喺人度，無法控制香港所有人講乜。（爸爸有提點？）佢話呢啲新聞無乜嘢，時間可以沖淡一切。(你已百毒不浸？) 無端端畀人冤枉當然有唔開心，惟有做好自己。」Denice回想參選時勁減10公斤，而家終於「苦盡甘來」：「我要戒糖戒鹽戒澱粉質，又要斷食，一星期五日每日做個半小時運動，好彩有好好嘅成果，我會繼續keep住身形。」

至於25歲的雙料亞軍Cecca獲封學霸，她曾在紐約華爾街投資銀行工作，近日更在微博發文訴說任職投行期間的辛酸史，她坦言此舉是要證明自己：「我參賽都係想證明做金融業都有靚女、才女，做投行辛苦程度同參選港姐有得揮，每日瞓幾個鐘，每星期加班都好多，當時用生命去工作，曾經攰到差啲胃出血；今次參選經歷證明自己都捱得。」過往Cecca曾於內地出書分享投行工作血淚史，對於會否再出書，她直認已在計劃中：「我會出第二本書講參選經歷，之後如果有機會以港姐身分外訪，都希望出第三本書。（目標當才女港姐？）希望啦，如果大家咁稱呼我都想做好啲。」問到她在決賽的問答環節被司儀曾志偉嘲諷是「擦鞋仔」，Cecca對此無悔：「我覺得當日答得好有創意，展現到三位評判各自對社會貢獻，再有機會都會咁答，希望觀眾會記得我嘅急才，未來都希望做司儀或主持。」她續稱：「參選嘅兩個月令我成長咗好多，當選亞軍都好感動，希望大家唔好因為比賽就定義咗我。」

{{hket:inline-image name="291450480_607155980828592_3263337596125991798_n.jpg"}}{{/hket:inline-image}}

至於季軍Joey於03年以童星身分與梁朝偉合作電影《無間道》，這位小妹妹轉眼已26歲，未來發展亦會以演戲為目標：「自己唱歌就麻麻哋，但好有興趣演戲，細個已經對鏡頭古靈精怪，希望可以延續兒時夢想。」談及與偉仔的緣分，原來她最慶幸的是與男神有肌膚之親：「當年做佢個女，佢搣咗我塊面，偉仔又係好優秀嘅前輩，畀佢搣塊面都係好幸福嘅事，希望日後可以再合作。」Joey直言當年與劉德華合照也非常難忘：「當時我細個得六歲，但都好怕羞咁搵華仔影相。」對於有指她身上的紋身以致大熱倒灶未能奪冠，Joey對此不以為然：「我唔覺得有影響，唔可以用紋身去定義一個人，女性可以用能力證明自己，紋身亦唔代表啲乜。」此外，Joey與女神張曦雯一樣來自芝加哥，亦同樣在當地參加過選美比賽，她坦言這位師姐是其學習對象：「佢都係我榜樣，本身亦都有睇《白色強人II》，希望日後可以合作偷師。（期望與她一樣成為女神？）如果好似佢咁成功都好。」Joey又指演戲上從未受過專業訓練，因此亦有興趣成為藝訓班學生。

圖片來源：《晴報》