一起走過︳王綺琴拒演郭晉安阿媽冇得續約 重提大馬拍戲意外撞死人陰影

57歲的王綺琴在娛樂圈閱歷豐富，讀完TVB舞蹈藝員訓練班，拒絕簽約旗下。她跟郭晉安是同班同學，之後參選1986電視小姐選舉奪得冠軍，才肯加入TVB，於《大運河》飾演主角紅拂女，同梁朝偉、歐瑞偉合演「風塵三俠」。她在電視台佔一席位，91年約滿TVB後選擇到馬來西亞發展，期間發生意外撞死幕後人員事件，金融風暴時其身家蒸發一半，跌入人生低潮。

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

{{hket:inline-image name="10113001.jpg"}}{{/hket:inline-image}}

{{hket:inline-image name="01d5d6c4-b5a9-49c3-93f6-d10c75c102bc_600.jpg"}}{{/hket:inline-image}}

王綺琴接受港台《一起走過》主持人楊紹鴻、文頌嫻訪問，訴說進出TVB的經過，大方重提當年在大馬的不愉快經歷。談及離開TVB，她表示：「當時選完電視小姐，簽咗5年約，91年走。走嘅原因係最後一齣劇，我大約27、28歲居然要做郭晉安阿媽？我同佢同期點解要做佢阿媽？我接受唔到，我唔識演。（化老妝？）當然要啦！（冇其他媽咪人選？得罪人？）真係唔知，唔敢講得罪人...推咗呢次工作之後就約滿，公司冇同我續約。當時冇晒信心，又冇得問點解搵我演阿媽，只係得接同唔接，唔會有人去解釋。」

王綺琴由當家花旦到配角客串 高山低谷全靠阿Q精神享受當下【下一頁】

離開TVB，王綺琴報讀保險金融課程，未讀完的情況下，龔慈恩介紹她到馬來西亞拍劇，「初初諗住拍一部，拍完就傾第二部，一拍就拍咗12年。」但是92年拍攝《半生情未了》時卻發生事故，王綺琴意外撞死女副導，事件至今仍歷歷在目，「間唔中都會諗起，好無奈...係拍緊一場我揸車嘅戲，我啱啱攞咗車牌冇耐，當時喺香港有揸過車，好新手嗰種，唔係自己架車就會好『騰雞』。戲入面要我歇斯底里揸車，去到好癲嘅狀態，隔籬坐住另一個演員...講我想嚇吓佢，於是揸車左搖右擺，情況係安全嘅，嗰條路未開通，所以冇其他車，副導演為安全起見仍有去截車。（發生意外有何反應？）乜都唔想睇，乜都唔想聽到，記得當時係掩住對耳，落咗車行去馬路旁邊欄杆踎咗喺度，唔敢望架車，唔敢聽啲人講啲咩嘢...自己喺度大嗌，令到自己聽唔到嘢又睇唔到，唔想有呢段時間嘅記憶。」

《好日子》王綺琴患腦瘤人生洗牌 「好驚係最後一次見個仔」【下一頁】

王綺琴稱，當時睇到女副導突然於車前出現，她只好選擇轉左或轉右，向左撞欄就隔籬女仔出事，於是選擇向右轉，誰不知副導演向右邊行去，結果撞到正，「雙方選擇咗同一方向，就係咁樣...（對方家人責怪？）佢媽咪好好人，同我講不如食素，可能會舒服啲，話如果有需要就去佢嘅佛堂拜吓，經常去可能會平靜啲，佢真係好偉大...到而家都磨滅唔到。」

（↓點擊放大睇圖片↓）

王綺琴昔日在馬來西亞投資失利，身家慘被蒸發一半，她說：「當時馬來西亞做定期，息口好高，將香港所有錢搬晒過去，平日收息都夠，點知金融風暴令馬幣跌得好勁，以前係1兌3，跟住跌到1.5，戶口冇咗一半錢，後尾做金融管制先至開始平穩，而家升返1兌2，不過呢啲都係數字，你呢世唔換都唔會點蝕。（錢已匯返香港？）冇乜點搬，喺大馬有做投資。（馬來西亞發生好多事？）覺得做人最緊要開心，唔好令自己唔開心，我都係好易滿足嘅人，唔係要求咁高，我唔開心會去shopping，買粒糖都可以好開心，細妹話我好鍾意交收嘅過程。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】