鄭秀文讚許志安為復出盡力練歌 「有唱片公司同觀眾畀機會，自己執生」

鄭秀文（Sammi）今日出席時裝活動，Sammi老公許志安正式復出，推出新歌之餘，早前更舉行網上音樂會，反應不俗；Sammi笑有收看安仔的音樂會，並大讚老公努力練歌及保持狀態。另外，向來身形纖瘦的Sammi，揚言到70歲退休時便會容許自己長胖點，肥20磅也沒問題。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

鄭秀文、廖子妤（Fish）、蔡思韵及楊文蔚今日到中環出席時裝活動，身穿毛衣配背心的Sammi，笑言在織冷衫等「女人嘢」全不在行，自己人生亦只織過一條頸巾送給爸爸，連老公許志安也無份：「因為我針法好差，織到梳窿，戴咗都唔會保暖！」

{{hket:inline-image name="1acdc750-d255-4432-a836-cf11e1364e65.JPG"}}{{/hket:inline-image}}

{{hket:inline-image name="andy2.jpg"}}{{/hket:inline-image}}

提到老公安仔近日推出新歌《人與人之間》，又舉行網上音樂會，Sammi表示有收看音樂會，又大讚安仔十分盡力。她說：「我睇到佢（安仔）為演出做咗好多準備工夫，好似練歌、保養把聲，同埋一直保持最佳嘅體態。佢好珍惜呢個機會，因為唔係必然，有唱片公司同觀眾畀機會，自己執生啦。佢咁大個人，知道『珍惜』唔係淨係講咁容易，要用行動支撑呢兩個字。要有誠意演出，保持演出水準好重要，我幫唔到佢，要靠佢自己，佢都會『自動波』咁去做。」

{{hket:inline-image name="cf7557f7-b50e-40bb-aba0-0d105bf56ff9.JPG"}}{{/hket:inline-image}}

Sammi笑言自己過往只珍惜身形，現在愈來愈珍惜健康，「我本身瘦咗好多年，但每次出嚟大家話我瘦，其實毋須咁驚訝，其實因為運動同飲食而養成呢個體質。可能我若干年後退休會畀自己肥啲，脹20磅都無問題，都只係120磅。到時我會食嘢亂章法啲、少啲運動，因為到我70、80歲時，使鬼咁fit咩！」談到工作，Sammi透露工作已排到2024年底，除了明年七月的紅館騷，還有拍電影及開巡迴演唱會，「去到呢個年紀唔好計劃咁遠，兩年都已經好長。」

{{hket:inline-image name="d98abbaf-2ef2-458a-a375-f7eb556c8ea9.JPG"}}{{/hket:inline-image}}

同場的Fish十年前由馬來西亞來港發展，她笑言難忘首年在港度過的冬天：「啱啱嚟嗰陣真凍死我，要飲熱水保暖。」提議她找個男友做「人肉攬枕」便可保暖，她怕醜笑認早已有一位拍拖數年的圈中男友。問男方是否同公司藝人？她即說：「我公司得麥子樂，唔係佢啦！」Fish自言性格負面，擔心若公開關係，將來分手又要對外解釋，所以拒透露男友身份。「不過依家相處開心嘅，我都同佢屋企人食過飯。」

採訪：黃寶蓮