陸詩韻兒時內褲當泳衣玩選港姐 桃色糾紛兼事業失敗難面對家人

陸詩韻參加2005年香港小姐獲得亞軍名銜，同屆港姐還有冠軍葉翠翠、季軍林莉、「最上鏡小姐」鄧上文、「旅遊大使獎」袁彌明等等。陸詩韻加盟無綫後，曾演出劇集《同事三分親》、《宮心計2深宮計》、《法證先鋒IV》等等，還有主持和電影的工作；及後她決定從商，包括發展自家品牌內衣褲及護膚品生意。

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

{{hket:inline-image name="253940156_637812344292773_8110853779102190539_n.jpg"}}{{/hket:inline-image}}

{{hket:inline-image name="310572084_491285929681332_1340264618326282921_n.jpg"}}{{/hket:inline-image}}

日前，她接受好友李志剛主持的港台節目《好心情經理人》訪問，提到選港姐，陸詩韻指自己好勝，由細到大跟隔籬鄰舍玩選香港小姐，「細個冇錢買泳衣，咁我就著住條內褲，跟住面褲仔攝入裡面扮泳褲。一直都覺得香港小姐係好盛事，希望大個有機會參加，當年嘅香港小姐最遲年齡規限係24歲，最後一年，我就遞表玩吓啦！」

有種老闆娘｜陸詩韻入娛樂圈4年轉戰商界 做護膚品牌老闆發圍望45歲退休【下一頁】

今年港姐在紅館舉行，陸詩韻當晚以師姐身分出席，「我當年都喺紅館，所以我入到後台，見到好多衣架，好似去番17年前咁，回憶一直都有，但已經好模糊。我哋換衫嘅時候，非常趕，因為廣告時間2、3分鐘，個腦剩係諗住之後步驟係點、跳舞係點、鏡頭喺邊度，冇時間睇自己件衫拉咗拉鏈未，有冇走光，因為服裝部同事非常細心，入到去只要我哋舉高雙手，全部衫就突然間冇晒；十幾秒之後，啲衫又砌番喺你身上。」

【法證先鋒IV】香港小姐陸詩韻錯愛有婦之夫匿埋9個月 一法解救人生危機 變女強人攞獎【下一頁】

{{hket:inline-image name="299369235_608620080869938_4216277807136098334_n.jpg"}}{{/hket:inline-image}}

陸詩韻坦言選港姐是一個好大的人生體驗，可以令自己在數個月內快速成長。不過加入娛樂圈後，卻是另一個世界，「第一年仲有個名銜，係非常特別嘅小花，好多人都好錫我，會叫得出我個名；但我卸任咗，變番一位普通藝人，變化原來幾大，好多嘢都要自己安排。」當年經歷負面新聞、桃色糾紛和事業失意，陷入人生低潮，陸詩韻直言很難面對，「當時好介懷，屋企人擔心，唔敢問我，我返到屋企唔開心，又唔會點樣講，其實係無言地支持，就算開記者會都好難澄清，但時間證明一切。」

提到拍劇，主持李志剛指她經常演繹情婦、壞女人、《宮心計2深宮計》宋王妃等角色，陸詩韻說：「惡形惡相，因為我唔笑，個樣都cool，所以我喺呢行都蝕底咗。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】