娛樂圈競爭之大，往往難以建立真友情，劉佩玥（Moon）、陳曉華（Hera）反而因為拍攝《美麗戰場》而成為好朋友。在她們心目中，友情在人生中佔有一個重要的位置，固然能夠在娛樂圈內互相扶持，圈外亦能無顧慮地分憂解困。身邊各有閨密，就如劇中的靜兒、小美一樣，經歷過風雨反令關係更加堅固，Moon擁有一班好姊妹，感到無比福氣，而Hera亦會將閨密的訊息「置頂」，答應不會因工作而忽略對方。
Moon和Hera分別是2013年和2018年的港姐季軍和冠軍，拍攝《美麗戰場》前並不太相熟，雖然一碰面就拍鬧交場面，反令她們關係升溫，成為好姊妹，兩人糖黐豆形影不離，直呼對方中文全名，連訪問時Hera不自覺搭住Moon的大腿。正所謂「三個女人一個墟」，連同陳瀅，已經可以幻想到片場的熱鬧情況，Moon笑笑口解釋：「其實片場唔止我哋幾個嘈！身邊所有人都嘈過我哋好多，點解總係賴落我哋度？哈！可能我哋幾個令氛圍變得歡愉，片場充滿笑聲同喧鬧聲，導演葉念琛成日都話：『劉佩玥唔好嘈！』但我一句聲都冇出過囉！」Hera即時為對方護航，大讚她夠中氣，不過有次各自駕車到達拍攝場地，就算安坐於座駕中，Hera還是會聽到Moon的魔性笑聲。
美麗戰場｜林盛斌兇神惡煞為溝女變暖男？ 富豪為記者妹神暈顛倒 獲讚好戲【下一頁】
Moon和Hera異口同聲，有關選美勾心鬥角的劇情，現實上並沒有發生，Moon說：「好多是非都由歐陽巧瑩擋晒，我哋反而驚佢會唔開心，一齊去安慰佢，反而咁樣係令大家感情更加好。講真，選美冇鬥爭就一定假，有經歷先有新聞寫。我哋嗰屆好團結，心態好細路女，好似大學生一齊入O Camp咁！（任期屆滿即放下形象？）記得我第一日，未入圍，已經畀人話我嘈，從來冇包裝過呢樣嘢！」至於Hera自認較慢熱，在大家眼中比較斯文，慢慢熟絡後就會流露「本性」’這次扮中學生要素顏演出，Hera豁出去冇有怕，「講到明素顏，樣衰就梗㗎啦！」
至於姊妹情，到底會否如「鍾家寶」一樣，入娛樂圈之後就變質？Moon說：「我班姊妹好遷就我㗎！好體諒我，到底點解我咁有福氣？就算係佢哋自己生日，都會問咗我時間表先，多謝佢哋咁錫我，（有內疚冇時間陪佢哋？）我有同佢哋傾過，有個好姊妹話：『咁你用一生時間去彌補番！』真係好sweet！」
美麗戰場︳陳曉華捉姦反被丁子朗掌摑趕走 cut機後敷冰：塊臉腫咗同紅咗【下一頁】
Hera坦言近日跟閨密因誤會而冷戰，她不惜一切去挽回這段友情，「佢對我失望，因為我大頭蝦，有時真係兩、三日都唔覆短訊...我好怕睇短訊，真係好多短訊，有時掉低電話冇覆佢...我哋鬧交鬧得好犀利，後來我上屋企搵佢，攬住佢講對唔住，但佢唔啋我，我𠱁到一個程度...諗住呢段關係應該會完，之後我衝落街喊，點知佢追落街搵番我。」幸好雙方和好如初，Hera亦將閨密訊息於手機中「置頂」，她說：「放佢喺高位置，有時真係會唔小心忽略，人有優先次序，我同佢經歷太多，佢絕對係值得優先！」
娛樂圈總予外間感覺非常複雜，到底這一行是否很難擁有真友誼？Hera說：「入行4年，我認為最重要係點睇呢一行，好多人話有人害我，叫我小心，但人呢，唔會特登走埋嚟害你嘛！對方唔好啫，亦唔代表你會好，我亦唔需要害人。」Moon就對此番說話有所保留，同時大讚對方大智若愚，她說：「害人之心不可有，但防人之心不可無。入行9年，我遇到嘅好人好多，唔止娛樂圈啦，好人壞人周圍都有，好睇自己心態點面對。我係處女座，揀朋友都幾挑剔，心入面好多嘢會顧慮，我會選擇開心。我唔會因為受過傷害而落閘，可能下一個出現嘅就係真正嘅好朋友呢？」
劉佩玥化妝髮型：Angela Shum（@angelashummakeup）
劉佩玥服裝：Lilian Kan（@KanaLili）
場地：Studio Meta
攝影：林君茹、何家賢、龐浩雲
責任編輯：楊安莉
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】