湯怡屋企被爆格損失10多萬

湯怡及簡淑兒昨日出席HOY TV記者會，昨日35歲牛一的湯怡，自爆家中失竊︰「中秋節前後屋企被爆格，我第二日入衣帽間，先發現無咗兩隻錶，其中一隻仲好有紀念價值，連埋現金損失幾千蚊，加埋無咗十幾萬！」她坦言完全不知賊人如何入屋，「後來我發現有隻窗被撬過，衣帽間亂咗，我以為老公無手尾。（無閉路電視？）咁啱嗰段時間附近無網絡，依家老公唔喺屋企要開燈瞓。」

同場的簡淑兒早前到英國拍攝HOY TV旅遊節目《離鄉別井的故事》，此行遠走37日的她，笑言十分掛念男友麥大力︰「不過我哋有共識，無論一齊定分開嘅時候，都要畀對方私人空間。」問到麥大力是否已回復機師工作？她只說︰「我唔清楚呀，佢同TVB仲有合約，佢做乜我都會支持。」