新劇延播無緣4奪視帝 黎耀祥︰我仲有得爭咩

黎耀祥（祥仔）及蕭正楠等前晚錄影《開心無敵獎門人》，早前祥仔表示回港期間會宣傳自己主演的劇集《輕‧功》，豈料《輕》劇最終無緣成為台慶劇。祥仔回應說︰「台慶劇都已經出咗四齣啦，聽《輕》劇監製講會延遲啲，依家都經常改時間。（今年無緣爭視帝？）無啦，仲有㗎咩？」未能力爭第四度稱帝，祥仔笑笑口道︰「我仲有得爭咩？無啦，留畀後起之秀，TVB人才輩出。」有傳《巾幗梟雄4》將在明年開拍，可有預留檔期？他直言︰「我不嬲都多檔期，任何時間叫我埋位就埋位。」

另外，「獎老」麥美恩（Mayanne）前晚與緋聞男友許文軒大玩「開心無敵夾死你」，二人夾麵包非常投入，Mayanne不但錫許文軒額頭留下唇印，又主動胸壓許文軒，非常狂野。

採訪︰Steven