羅文離世20年︳周慧敏難忘95年合作《劍合釵圓》 到而家都唔敢嗌前輩花名「羅記」

已故殿堂級歌手羅文離世20年，日前他的徒弟容祖兒聯同張敬軒、草蜢、鄭欣宜、陳潔靈及女團XiX等，於紅館舉行《羅文‧傳承 全城紀念演唱會》，分別上台獻唱羅文的經典金曲。有「玉女掌門人」稱號的周慧敏雖然未有參與演唱會，不過昨日（18日）就在IG拍片分享她與羅文的昔日難忘事，重提1995年為慈善合唱粵劇《劍合釵圓》，及獲提點化妝要注意的事情。

{{hket:inline-image name="facebook202210181653.jpg"}}{{/hket:inline-image}}

{{hket:inline-image name="facebook202210181655.jpg"}}{{/hket:inline-image}}

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

周慧敏在片段中表示：「最欣賞佢一絲不苟嘅工作態度，佢係不斷咁突破自己，而最犀利係佢嘅親和力，見佢唔介意大家叫佢做『羅記』，就知道佢有幾親和力，不過我依然唔敢咁樣叫佢，平時見到佢都係叫Roman。（有甚麼難忘回憶？）Roman係好有氣場，但佢好平易近人，同後輩可以玩得同融洽，所以喺佢面前你唔會驚、唔會緊張。我非常之有幸喺95年同佢有一次合作，演出粵劇折子戲，就係《紫釵記》嘅《劍合釵圓》，我早知佢係一個完美主義者，佢嗰part一定會做得最好，將最好一面呈現出嚟；但佢唔單止係咁，仲好關注對手，連我嘅造型、件衫唔夠靚、古裝頭點set，甚至化妝、做手都照顧……當導演開始拍，我哋就好快入戲，嗰次真係好enjoy，因為好快就完成拍攝，真係想拍多幾take多啲時間一齊。加上導演又拍得好唯美，拍出一個好特別感覺嘅粵劇畫面，亦係自己好鍾意嘅演出，而最感動係能夠有佢陪住去完成呢件事，覺得非常幸福。」

因為是朋友呀｜容祖兒蔡卓妍感激羅文生前照顧 阿Sa哽咽：還未跟他說謝謝【下一頁】

至於有些甚麼說話想隔空對羅文講，周慧敏說：「佢以前見我就會囉唆我，見我每次都用好淺色嘅唇膏，仲係比較蒼白款式，佢就會話咁唔好睇，叫我搽紅啲顏色。我想話我係有聽話，而家每次做表演嘅時候，成日會用鮮色嘅唇膏，令到自己神彩飛揚啲，當每次拎住支紅色唇膏就會諗起佢。」

（↓點擊放大睇圖片↓）

此外，容祖兒在紀念演唱會上壓軸出場，先後唱出《留給這世上我最愛的人》及《掌聲響起》，台上眼濕濕感謝恩師當年提攜，「1999年我第1次上台，是老師排除萬難，不理任何人說話，堅持『帶容祖兒上台』。」昨日她在網上公開悼念師傅，上載兩師徒舊照並簡單寫上：「世間始終你好。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】