野人老師丨河國榮談生死教育派洋蔥勁催淚 鄭丹瑞：骨灰罈容不下恩恩怨怨

ViuTV原創劇《野人老師》昨晚播出的一集，相信不少觀眾都睇到眼濕濕。生老病死是自然定律，每個人都必然會面對，但你又會選擇用甚麼心態去面對呢？

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

劇情講述東尼（河國榮 飾）與陳燦（朱栢謙 飾）爭執後突然昏倒，眾人請來醫生到大地小學為東尼檢查，發現東尼的床頭有一樽醫治癌症的化療藥，而且時日無多。陳燦十分擔心，執意帶東尼到醫院接受詳細檢查，但東尼不肯，李世豪（鄭丹瑞 飾）意屬要陪住東尼行人生最後一程，「佢自己身體狀況，佢自己一定知道，佢點解仲要入嚟呢？你有冇諗過？Wonderland，下個禮拜係Wonderland 40周年，Wonderland冇佢，仲係咪Wonderland先？夾band係佢夢想，我哋可唔可以當呢個騷就係送佢最後一程呢？佢冇人冇物，講句難聽啲，如果佢走咗，冇人會記得，冇人會傷心，得我同你（陳燦）傷心，點解我哋唔可以開開心心，等佢開開心心咁走呢？」

野人老師丨童星聰聰演輕度自閉獲激讚 難忘被鄭丹瑞保護：佢好似校長【下一頁】

一句對不起、一張舊合照，令陳燦和東尼將仇恨放下。「Wonderland告別音樂會」演出當日，孭住結他的東尼在台上說：「我唔出聲唔係因為我緊張，我係想好好記住你哋每一個人嘅樣。我哋唔要淚水，我哋唔要傷心，我哋要激情，我哋要歡呼聲，好唔好呀？」最後唱出《Wonderland》作結，3位好友東尼、陳燦和李世豪在台邊聊起要創作《Wonderland》part 2《Friend》之際，東尼閉起眼睛，悄悄地離開人間。

野人老師丨肥仔童星大寶細寶喊戲演技獲讚 Stanley邱士縉：佢哋呢條線會更好睇【下一頁】

{{hket:inline-image name="309280346_537135294889680_4287584503228369151_n.jpg"}}{{/hket:inline-image}}

河國榮在Facebook留言：「多謝咁多位。我都好鍾意呢個角色，好有意思，亦有深層次。」邱士縉（Stanley）在IG亦有出post，他留言大讚「好好睇，真係好好睇，現場睇已經覺得好好睇，多謝你哋！」、「咩係仇、咩係恨，到最後都容不下，多謝編劇！」。導演陳賢俊在IG出帖留言：「這條彩蛋，不只是一條彩蛋，當中希望告訴大家，也告訴自己，失去，不是終結，過程比擁有重要，沉澱過後，生命重來。不希望《野人老師》留給大家的，是一個傷心的回憶，『既然你知道一定要講拜拜，點解仲要唔開心，開開心心，笑住咁講拜拜，唔係仲好咩』互勉！」

不少網民在ViuTV Facebook留言表示劇情很感人，又大讚河國榮唱歌很好聽，「今晚呢集，真係睇到我……唔知講咩好……點解淡淡然的情節同畫面，偏偏卻深深地刻喺腦海裡，揮之不去？」、「成集呈現佢哋三兄弟之間嘅情誼，實在太感動，三個人對大家已經唔使講嘢，兄弟情之深好難用言語表達。成集我忍唔住喊咗好多次。要看透生離死別真係好難」、「骨灰好多，骨灰罈容不下太多恩恩怨怨，其他就放低……」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】