森美學霸囝囝回流入讀港大醫學系 首次父子檔做司儀爸爸都認輸？

森美一向口才了得，無論電視台和電台做主持都口若懸河，加上風趣幽默的個性，無論主持節目或者擔任活動司儀，都同樣都大受歡迎。昨日無綫商務營運總經理蕭世和出席香港大學梁卓偉教授告別港大的講座活動，拍下森美和囝囝梁曦樂一齊主持的畫面，原來兩父子首次同台為活動擔任司儀，非常難得。他留言說：「森美與在港大唸醫科的兒子首度拍檔做司儀！」

同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺

{{hket:ul-video id="6808"}}{{/hket:ul-video}}

霎時再感動︳森美重提19年口腔患色素瘤爆喊 囡囡一句話頓悟為父真正「責任」【下一頁】

{{hket:inline-image name="800_6970b824-6574-4a71-8620-5074fbc2c4a8.jpg"}}{{/hket:inline-image}}

{{hket:inline-image name="311362216_144454118311370_460768185295703907_n.jpg"}}{{/hket:inline-image}}

{{hket:inline-image name="312951750_144454091644706_2951457088797273107_n.jpg"}}{{/hket:inline-image}}

森美一直都著重仔女教育，囝囝中學時期已經到英國寄宿學校升學，兩年前在英國考A-Level課程，獲得4科A*的佳績。雖然曦樂所讀的協和學院（Concord College）非常有名，歷年來都有不少畢業生考入牛津或劍橋大學等名牌大學，不過曦樂最終選擇回港升學，入讀香港大學醫學系。森美接受《晴報》電話訪問時表示：「囝囝喺港大讀緊Year 2，因為佢喺英國考得成績都幾好，當時選擇英國讀定香港讀，後來佢選擇咗返香港，咁我哋當然開心啦，因為可以成日見到佢。其實如果佢喺英國讀醫，好可能要留喺英國執業，咁家人就可能再要分開耐少少，或者我哋要去英國住，既然佢選擇返香港，生活節奏變化唔大，不過佢有一課可能要返英國讀，暫時未決定，將來日子佢自己決定。」

森美表示自己作為家長，只是盡量配合他決定的方向走，學科都是囝囝的自由選擇，「佢都考到英國醫學院，只係選擇返香港，人生選擇係佢自己，每一步佢自己決定。不過睇到佢今次返香港之後，比去英國讀書之前，而家真係好努力。當然功課比較忙，除咗暑假見佢空閒少少之外，其他日子都好忙，讀書、運動同制服團體咁，各個範疇做得唔錯，咁我就安心喇！」

森美被指鬧拍檔「扮大哥」網民反感 聽《早霸王》感「受罪」大讚小儀高EQ【下一頁】

{{hket:inline-image name="0f68bb.jpeg"}}{{/hket:inline-image}}

森美表示今次是以家長身分，為昨晚的活動擔任司儀，兩父子首次合作，他笑言：「以往我同好多星級司儀一齊合作，今次竟然係同自己個仔，真係好難忘同好有意義嘅一次！（囝囝表現如何？）同佢第一次做司儀都幾有趣、好笑，通常爹哋見到仔女平常好少做嘅事，就會覺得好新鮮。事前我都有教佢點做，大約點樣去講說話，同佢預習一下。第一次嚟講，表現都相當唔錯，可以再自然啲，不過有啲方面佢比我好，因為佢喺英國讀書，講英文佢叻啲，佢都有指導我啲英文發音，不過廣東話就梗係我叻啲！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉