余慕蓮精神奕奕扶腳架重返電視城 唔覺醜樣自嘲身材：我自摸平糊

余慕蓮（余毛）2020年8月因咳嗽而入院留醫8日，診斷出肺纖維化，情況危殆入ICU插喉及用呼吸機幫助呼吸，甚至要打強心針，幸好最終大步檻過。經過兩年時間後，余毛回復精神，近日獲無綫娛樂新聞台的邀請，在好友鄧達智的陪同下，重返「娘家」電視城，遇到老友安德尊、劉彩玉等等，非常開心。

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

林建明為余慕蓮茶記慶生港女打卡 死裏逃生肥番晒打牌賀85大壽【下一頁】

{{hket:inline-image name="YU1.jpg"}}{{/hket:inline-image}}

{{hket:inline-image name="YU2.jpg"}}{{/hket:inline-image}}

{{hket:inline-image name="YU11.jpg"}}{{/hket:inline-image}}

余毛分享跟鄧達智的相識經過，原來始於一次長者時裝騷，鄧達智見識她的親和力。隨後他的時裝騷（其中一次為2007年）都找余毛跟一眾超級名模同台演出，余毛說：「佢好大膽，好似御用模特兒咁，連大騷都夠膽搵我做，我唔一定做醜婦呀！佢幫我打扮到好靚，我好開心，我當佢大恩人，佢改變咗我一生。」鄧達智指過往的時裝騷有不少外國媒體報道，大家都封她為「香港醜后」，雖然名字不太好聽，但的確從此沒有人能夠取代到她。

余毛表示：「行騷好開心，畀到自己自信，最醜嗰個唔係我，其實我唔係好醜啫，普通人之嘛，啱啱出本自傳有好多靚相，不知幾開心。（經常做醜角唔開心？）我鍾意做戲之嘛，咩角色我都做，既然我唔靚，唔突出，咁就搞笑囉，我扮過姚蘇蓉、香港小姐呀！因為生活要搵食，我小學畢業之嘛，讀書唔多，冇人做嘅角色就我做，就搵到食。」

余慕蓮享受單身冇膽闖情關 想起與曹達華傳緋聞：好㷫【下一頁】

{{hket:inline-image name="YU6.jpg"}}{{/hket:inline-image}}

在訪問中，余毛大爆搞笑金句，提到最自信的身體部分，說：「身材我冇呀！我自摸平糊！（你年輕時好靚女，多唔多人追？）我穿灰膠鞋，唔過電！我自細冇家庭溫暖，所以對婚姻冇信心，我又唔希望有下一代，搵錢係希望買間屋養老，可惜突然有呢個病。」

余毛大病康復，現時每朝早七點去公園走走，怕肌肉收縮影響步行，平時會跟龜仔玩同收睇《真情》，她說：「唔咳都好正常，但一日總有幾次咳（比較厲害）。本身諗住死梗，入去（醫院）半年唔畀食嘢，插喉插到全身都係，醫生話十個有九個出唔到嚟，我係第十個。而家半年吊一次標靶治療藥物，希望唔會復發。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉