學生哥激動破音跪地唱《記憶棉》 原唱MC張天賦鼓勵：喺台上就要盡情表演

日前網傳一段中學生歌唱比賽短片，片中男學生唱MC張天賦的《記憶棉》參賽，表演前段有少許走音，去到後段突然相當激動，不但頻頻走音及破音，最後更唱到跪地。片段在網上瘋傳，大量網民熱議，指該位男學生是「有故事的人」，又猜測對方應該經過長時間「做兵」，才能「全是感情」演唱。而今天原唱者MC亦留意到這位男學生的表演，鼓勵他繼續加油，「喺台上就應該要毫無保留地盡情表演！」

同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺

{{hket:ul-video id="6808"}}{{/hket:ul-video}}

片中人是救恩書院一名男學生，他演唱《記憶棉》時非常投入，又不時拉咪，非常激動。到後段幾句時他連環破音，唱至跪地，疑似抱頭痛哭，情惑澎湃地「訴說」自己的故事。

{{hket:inline-image name="mc2.png"}}{{/hket:inline-image}}

有網民激讚男學生，「根本超越原唱者MC！破音位原唱應該做不到，完美示範超越原唱，唱出另一種風格，另一種演繹」、「勇氣可嘉！唱功方面，轉音位、最尾升key位改咗用真音唱，呢樣真係真心respect ，而且感情分滿分」、「同學仔好投入好認真去做一件事情，單係呢點已經值得鼓勵。年紀仲小，加油」、「感受到背後嘅故事呀...唱得好好聽，加油」、「撕心裂肺嘅感情，師兄做到了」、「已經聽唔番MC，情感表達完勝，聽歌就係要聽呢種」、「究竟佢經歷咗啲乜？點解唱到咁聲嘶力竭」、「真心有感情過原唱者」、「同學仔唱出自己經歷，feel到佢有種傷痛，感情係100分」。有「我識得佢」的網民補充，「佢最後更奪得最佳台風獎」。

原唱者MC今日在IG repost該片，鼓勵男學生，「先唔講唱功，真係想鼓勵一下佢！喺台上就應該要毫無保留地盡情表演！呢位哥仔冇怯場，冇緊張！繼續加油！不過小心把聲。」又指當年自己參加歌唱比賽勁緊張，「剩（淨係）敢望住地下，手震晒。跪地我都係試過一次。」

之後又po自己唱cover（翻唱）的舊片，留言：「好嘅嘢要重溫，唔準（准）笑人，要笑就笑我！唱歌係咁㗎啦，唱吓唱吓就好聽㗎啦！#全是感情」。

{{hket:inline-image name="2324.jpeg"}}{{/hket:inline-image}}

{{hket:youtube id="5Evln8uDosY"}}{{/hket:youtube}}

華納豪擲200萬落廣告為8歌手造勢 「老餅」洪嘉豪呷醋：高層唔要我哋【下一頁】

圖片來源：IG圖片、YT影片截圖、東星

撰文：娛樂組