殺毒除臭口罩

2022年《地母經》有一句︰「秋冬處處通」，過咗中秋後，呢段時間真係好多人已經去咗旅行，個個都非常樂也融融。但係2023年嘅《地母經》都有一句︰「人們多疾病」，唔係叫你迷信，但至少要提醒自己唔好咁快掉以輕心，依然要保持戒心，繼續小心。

身邊已經有好幾組朋友出咗埠，而且返回香港了，其中有啲坐完飛機返嚟就中招。我其中一個朋友，佢一直都戴住以99%高純度銀綫織入布料，話可以釋放出大量銀離子破壞細菌病毒嘅蛋白結構，抑制細菌生存能力嘅銀織滅菌口罩，同埋採用相同銀離子物料製造嘅銀織滅菌手套，結果真係無事。

老實講，坊間話抗病毒物件多不勝數，都唔知點揀，亦唔知佢哋係咪真係發揮到作用。朋友見我咁無知，於是送咗一個以Innotier專利加上IONIC+TM抗菌銀纖維技術口罩畀我。佢除咗可以重複用200次，仲具備殺毒而非只係抵擋病毒。

呢個口罩對我嚟講，最神奇之處係唔臭。話說好多口罩一戴，自己都會聞到個口噴出嚟嘅口氣味，我戴咗呢隻牌子口罩，真係聞唔到臭味。原來佢哋用嘅口罩布料，一經接觸到呼吸產生嘅濕氣時，帶陽電荷的銀離子就會釋出，抑制及消除口罩表面嘅細菌，保護口罩免受微生物影響，唔單止唔臭，仲唔會生瘡，真係正到無朋友。

仲有，最開心係唔使戴完日日洗，幾日先洗一次都得，非常環保。（本欄逢周四刊登）