《美麗戰場》今晚播出大結局，昨晚一集龐振宇（方力申 飾）為愛情而放棄承繼千億身家，深感懊悔，兩年多以來一蹶不振，借酒逃避現實，對太太家寶（陳瀅 飾）冷淡，更不時發脾氣動粗。鍾家寶決定復出幕前，而一直傾慕龐振宇的富家女唐昕（朱晨麗 飾）終於出擊，除了用揦鮓招對付他的妹妹龐子珊（何依婷 飾），同時花百億注資令男方東山再起，重返龐氏集團。
同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回
向大陸網友開直播呻丨朱晨麗斥香港傳媒冇做功課 「說我被雪藏 是不是有病？」【下一頁】
縱然何依停挑戰「黑化」角色，大大聲喝罵哥哥「廢柴」，又擺姿態勢誓要搶走集團要職，不過遠遠不及朱晨麗的霸氣，她的一個眼神，一個笑容贏晒對方，見唔到尾燈。劇情急轉直下，朱晨麗簡單幾句說話，淡淡定「彈走」陳瀅，「有時啲嘢見好就要收，佢（龐振宇）愛你？佢爭啲冇咗成千億身家呀，佢諗嘢係簡單，但唔代表佢係白癡！」
「你哋呢班人成日幻想自己嫁入豪門， 我哋先係豪門呀！畀唔畀你入嚟由我哋決定，只要我哋唔happy，隨時都可以踢你哋走！」 數落完家寶後，唐昕竟扮喊衝出office，「唔係白癡」的龐振宇誤會家寶侮辱她，回家大興問罪之師，同時深感自己遭女方連累——龐振宇猛力推跌家寶，嚇得後者尖叫，畫面震撼！
朱晨麗笑言，十分難忘與何依婷的那幕文場，形容過程似足「打太極」，「唔算嗌交，佢要說服人，講嘢柔得嚟有骨，令人聽落覺得呢個女人暗地裏好狠！我角色唔係以聲取勝，係要夠霸氣。」拍攝該幕場面前約十小時，她才收到劇本，吃飯期間一直努力排練，「我一路喺度練習同消化，諗吓點樣令每個字溫柔得嚟好有力。」並謂見到「字海對白」時壓力很大， 「我冇學過做戲，廣東話又唔係母語，所以要研究、思考同練習好多好多次，要注意咬字，有冇讀歪咗等等。對白好長呀，又唔想NG打斷氣氛，畀啲掌聲自己，少少佩服自己記得晒啲對白。」笑指拍畢該場戲如釋重負。昨晚有網民大讚她的廣東話突飛猛進，相信是一大強心針。
討論區上，觀眾紛紛留言大讚朱晨麗，「啲戲同表情，至係女一」、「朱晨麗好靚女又有壓場氣勢，呢一集劇力逼人」、「朱朱呢集霸氣演出」、「有比較有傷害，女主角被比下去」等等；「何依婷噚晚場戲...我相信佢有盡力，but未夠班囉，有排學呀，btw佢拍完（枱）後隻手有冇抽筋呢」、「何依婷演技係有進步，不過我覺得呢場演得over咗，太drama喇」。
《美麗戰場》｜方力申重遇「阿寶」被催與鄧麗欣復合 有諗過但冇行動：人要向前看【下一頁】
方力申、陳瀅晚上網上直播傾劇情，前者一臉殘樣現身，原來準備熄燈準備瞓覺，「我今晚做完嘢返屋企，已經被阿媽追住我問咗十分鐘，一路問我劇情。」他與陳瀅憶述「家中衝突」的「動作場面」是臨時加插，女方笑指︰「原本係我出手打小方，結果我畀佢打...我睇完場戲，的確幾好睇！」
網民讚方力申演「廢柴老公」出色，他搞笑說：「我同你（陳瀅）唔同呀，你一年有三套劇出，我三年都冇一套劇出呀，我日日對鏡練習（演技）呀！」大爆演員之間因意見不合而鬧交，又常常被導演鬧；同時稱葉念琛本個星期才呈上結局最終版本，指大結局劇情隨時有變數，他說：「葉導以前都試過拍定兩個版本，然後再諗吓揀邊個。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉