姜濤被袁劍偉形容係「球場黑洞」 193寸個人主義強：佢冇傳波掣

ViuTV《季前賽》已播映五集，給人感覺既搞笑又有感人位！《季》劇導演袁劍偉聯同演員張繼聰、梁業（肥仔）和193（郭嘉駿），亮相由谷昭主持的節目《爆谷一周》，大談沒有到場的姜濤十分「獨食」！

同場加映：下流上車族｜關曜儁疫市擲六位數第三度開健身室 三十而立背負養家責任兼顧演員夢

{{hket:ul-video id="6868"}}{{/hket:ul-video}}

{{hket:inline-image name="14.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

谷德昭指很喜歡看193的戲份，後者難得謙虛說：「我搵咗戲劇老師幫我排每場戲，感受好深，我成日都抽離唔到，之前返公司睇咗幾集，我係喊到黐線，係咁飲泣，又唔敢畀人聽到，好似經歷咗好多嘢！」

講到「波癮」大，肥仔表示一定是姜濤，193插嘴︰「嗰日宣傳活動完咗，佢話再去打波，打完再join另一邊街場，一日打3次波，呢條友乜事呢？有冇咁鍾意打波呢？」肥仔接住說：「佢好鍾意撩人一對一，贏咗就好沙塵，輸咗就...」193即說：「唔認數...」肥仔續稱：「有次我同佢一對一，係咁寸我，我全力防守，佢一球都入唔到。我有火呀，我唔攞分，都唔畀你攞分。」袁劍偉導演跟肥仔說：「你分享完？到我喇喎！嗰次我拍廣告，佢（姜濤）同佢個friend『維園三寶』搵我哋鬥波，我、Coach Fui同CM，唔好問邊個贏，總之打得好激烈，打打吓就嚟真...」

{{hket:inline-image name="SS6_1722a.jpg"}}{{/hket:inline-image}}

季前賽丨193愧疚向劉錫賢道歉哭成淚人 演技令觀眾眼前一亮：知你咩料【下一頁】

袁劍偉眼中的6位演員，哪個「最好波」？哪個「最屎波」？他十分為難，並說：「如果講真實球技，我會揀193先，跟住Ian（陳卓賢），阿姜一定嬲豬，因為我擺佢喺第三，然後係Stanley（邱士縉）...」肥仔提議：「試吓等佢（姜濤）再嬲豬，（排名）擺喺我後面。」全場人大笑，張繼聰認同笑說：「193打過南華、Ian、Stanley一向打得好，如果我同佢哋3個比賽，真係要認真防守，Edan都有練射波。我覺得姜濤冇（球技）...（組隊）直情唔會揀佢，唔入流！」

季前賽丨張繼聰教洗車進行大腿特訓 Edan Stanley抹到手軟腳震【下一頁】

193和Ian曾接受正統籃球訓練，團隊意識強，張繼聰說：「打波個人主義好強，係死緊，姜濤呢啲係『個人英雄』...」這時谷德昭助攻稱：「即係獨食精啦！」袁劍偉笑說：「我個term係『球場黑洞』，哈哈！」193代為解釋︰「我懷疑姜濤冇傳波掣，好似打機嘅人，唔撳傳波掣，淨係撳射波，佢就係咁。」肥仔最後加多一刀，笑說：「仲有粒幸運掣要撳，佢嗰粒幸運掣著咗之後，就會keep住入波，唔著嗰陣就keep住唔入。」

第六集（31/10）劇情：

喪波（張繼聰 飾）找來光仔（郭嘉駿 飾）加入「痴漢隊」，再根據各人的專長和獨特性，分派球場位置。為針對阿德（呂爵安 飾）的走位壞習慣，喪波安排光仔人釘人，令阿德無法再得心應手去起手，面皮薄的阿德缺席練習逃避光仔。球場外，光仔到阿德的公司當倉務員，二人水火不容。最後關家姐（李敏 飾）懲罰他們通宵加班。深夜，阿德、光仔卸下心防，光仔道出一生憾事，阿德亦說出自己的理想，只是不敢向關家姐直言。光仔鼓勵阿德場內場外都要「識走位」，為自己爭取有利位置，二人在一夜間破冰。上司吩咐阿良（邱士縉 飾）接手同事的爛攤子，面對欺壓，阿良竟再次選擇啞忍去避開衝突。河馬（葛綽瑤 飾）逐漸融入阿孝（姜濤 飾）的生活，為老闆仔（黃梓樂 飾）補習，為阿孝家打掃佈置，卻因一張家庭照而激怒了阿孝，被他趕走。

{{hket:inline-image name="SS6_1830a.jpg"}}{{/hket:inline-image}}

{{hket:inline-image name="SS6_2836a.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】