海港城 × 視覺藝術家 捐公益金換時尚雨傘

海港城每年都會同唔同嘅著名設計師或藝術家，聯手推出限量版雨傘，設計時尚又獨特，甚至成為潮人及藝術愛好者嘅收藏品。公關姊妹同黛安講，今年海港城同著名視覺藝術家Joshua Vides合作，首次將佢嘅代表性黑白綫條設計印喺雨傘上，變成時尚單品兼藝術品。

Joshua Vides擅長以手繪黑白綫條圖案創作，將其標誌性嘅立體錯視效果呈現喺唔同物件及空間上，今次係佢首次設計雨傘，佢特別將白色雨傘面布化身成畫布，發揮天馬行空嘅創意，用黑色筆墨展現心目中嘅「雨中漩渦」，圖案簡約獨特又富玩味。限量版雨傘已經推出，即日起至11月20日，顧客凡參與REWARDING EVERY DAY活動，捐款$100畀「香港公益金」即可換雨傘1把；或消費滿$20,000，可額外免費獲贈雨傘1把。雨傘數量有限，換完即止。