現年70歲的「大師兄」徐忠信，在無綫劇集和多部電影中經常扮黑社會大佬，惡形惡相深入民心。今午，藝人廖駿雄在IG上傳徐忠信的相片，並寫著「大師兄，一路好走。」事情來得突然，圈中人大感驚訝。本報致電「香港動作特技演員公會」，發言人證實副會長徐忠信今日早上離世的消息，而邵氏電影《無間一戰》相信是他的遺作。
下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點
同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點
港動作特技演員公會發言人表示公會在群組發放消息，至於詳細情況要待家屬作進一步公告。問到死因，發言人指現時正等待醫生確認死因，但據知大師兄一向心臟不太好，需要長期服藥。公會會全力協助家屬辦理他的身後事。
份屬好友的楊盼盼接受訪問時表示：「2020年《歡樂滿東華》，我表演踢槍，大師兄陪住我，教我踢槍...我仲諗住12月喺佛山返香港之後，請佢飲茶，因為佢幫咗我好多。我拍《新絕代雙嬌》（1986年）嘅時候，演小魚兒呢個角色，佢教我打空翻，落地唔使用墊，仲可以回頭大特寫。佢教人好叻。我好細個已經識佢，好好人，係一個大哥哥，一直保護我哋，同埋教我哋。有冇病？我真係唔知，只係感覺佢太瘦，而且佢又唔多會講出嚟。」
【飛虎之雷霆極戰】徐忠信演足幾十年賊王金盆洗手？ 67歲做武指曾車禍受傷未言休【下一頁】
網劇《布局》｜沈威大病痊癒復出拍劇演老叔父 曾憑《省港旗兵》奪金像獎【下一頁】
曾與徐忠信合作的陳山聰說：「好突然，上個月先拍完《無間一戰》，佢當時好精神，我仲同佢傾偈，佢而家湊孫為樂。以前佢喺無綫做武術指導，我哋經常合作，好多人都畀佢鬧過，因為佢係一個好認真好嚴謹，要求好高嘅人。聽到呢個消息覺得好可惜，今年有好多前輩離開咗我哋，希望佢嘅家人保重！」
而張雷亦表示消息來得很突然，稱︰「本身都好哋哋，我哋兩個早兩日先飲完茶，仲傾嚟緊公會有咩慈善嘢可以搞，今朝突然間就走咗，真係好難過。聽講佢心臟不嬲有事，食藥控制到。我同佢1970年代入行，佢係鄭少秋替身，我係正身，成日都話鬥快鬥飛，玩得好開心，休息時間就會捉棋歎茶。佢個樣好惡，但份人好好，成日做善事去老人院派禮物，真係好可惜，我相信佢遺願都係想做多啲善事。公會聯絡咗家屬，會全力協助辦理身後事。一把年紀，要走都明白，不過真係太突然。」
徐忠信近年甚少幕前演出，間中客串電視劇。他與台灣妻子育有一子一女，近年弄孫為樂，間中會在社交平台分享生活照，從他上載的相片可見，一臉慈祥，掛上笑臉。去年有傳媒影到他在屯門一間速剪理髮店，排隊等候理髮，今年8月，香港動作特技演員公會第十五屆理事會成員照片中，有徐忠信與錢嘉樂等人，眾人戴上口罩。從徐忠信的眼神可見，當時他仍然精神奕奕。
從小習武的徐忠信，幼年時經常跟人打交，8歲的時候被父母送到京劇學校受訓。在1960年代，他加入邵氏電影公司，擔任武師，初出道時做替身，後來轉做幕前。他拍攝了很多電影，包括：《黑社會以和為貴》、《大事件》、《黃飛鴻之鐵雞鬥蜈蚣》、《蛇形刁手》等等。他的「戰績」亦很多，最威水是跟李小龍合作，而在《決戰皇城》中做鄭少秋的替身，有一次試跳時扭傷靭帶，要花很長時間治療。他在84年加入無綫，拍過《他來自江湖》、《成吉思汗》、《巨輪》、《護花危情》和《溏心風暴3》等劇集。16年參加節目《Sunday好戲王》而得到「另類好戲王」獎項。
另外，無綫發新聞稿，對於藝員徐忠信今(11月2日)早因病辭世，無綫電視對痛失一位資深演員暨高級動作特技指導深表惋惜。無綫已向其家人致以深切慰問，及會提供適切協助，並表揚他樂於提攜及栽培後輩，深得台前幕後同僚的敬重。為悼念一位演藝界資深演員及武指，無綫立即調動節目，今晚會播出大師兄經典作品之一《難民營風暴》。
採訪、撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】