白只扮修女令陳欣妍狂NG

白只在愛情笑片《忽然心動》中，飾演宅男外賣員，與留學生鄰居陳欣妍（Shirley）上演一段搞笑愛情故事。為了令白只的宅男角色更傳神，劇中其房間放滿各式各樣動漫模型、公仔，連床單、被袋、窗簾都用上動漫人物。白只稱︰「我個角色同吹氣公仔一齊睇戲、瞓覺，如同朋友一樣。」認真「毒」到無朋友。

此外，戲中其中一幕Shirley要找白只幫忙，白只卻打扮成修女應門，白只這身造型令Shirley瘋狂NG，她表示︰「我完全唔敢望佢，要望住個地下講對白，因為我驚又忍唔到笑。」