《男親女愛》重播丨毛小慧余樂天今晚繼續鬥嘴 陳彥行：呢個黃金組合可一不可再

無綫深夜時段「傳承‧經典55」系列，由觀眾投票選出的《我揀我想睇》之「我們的...」，最後由鄭裕玲（Do姐）、黃子華、原子鏸、鄧健泓、陳彥行、苑瓊丹、胡楓、蕭亮等主演的無綫千禧處境劇《男親女愛》，成為第一位，無綫安排於今晚（7日）深夜時分重播，相信不少觀眾都要捱眼瞓追看。Do姐當年拍完《男親女愛》後，表示不再拍劇，而今年她亦約滿離開無綫。

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="45e5.JPG"}}{{/hket:inline-image}}

《男親女愛》在2000年2月21晚首播，首周收視錄得31點，以晚上10點半的時段來計算，成績算非常好。Do姐飾演「Miss Mo」毛小慧，在造型上，可算是不惜工本，出動私伙名牌衣服和鑽飾；而子華飾演「阿Lok」余樂天，其啜核抵笑的對白，及與Miss Mo的互動，亦深入民心。當年兩人咀足9秒8的「世紀之吻」，更錄得40點收視。

劇中的Miss Mo和阿Lok亦有不少金句，令觀眾至今難忘，例如「你同我Off啦」、「呢個係壓力煲，死雞『撐』都『撐』唔開啦！」、「強呀！」、「又如何！」、「我又唔係猩猩王」、「呢本係日本AV影星苑瓊丹子嚟㗎！」、「你放心，人人都危險，係你最安全」等。而劇集主題曲「藍藍天空高掛我的夢，深海潛入最深追逐確與眾不同...」唱到街知巷聞，子華將蟑螂惡搞為寵物「小強」，竟然成為最經典的昆蟲角色，該角色由初出道的馬國明扮演。

余樂天再度重遇Miss Mo 黃子華被Do姐鄭裕玲投訴：你大量改劇本【下一頁】

在《男親女愛》中飾演Apple的陳彥行，她日前接受《晴報》訪問，表示在2015年，《男親女愛》演員曾相約食飯聚舊，當時有監製徐正康、Do姐、子華、鄧健泓、蔣志光、湯俊明等。對於重播《男親女愛》，陳彥行開心地說：「我記得《男親女愛》喺幾年前都重播過，呢次網民投票都揀番《男親女愛》，即係呢22年嚟，唔通喺網民心目中冇第二套戲，剩係得《男親女愛》？哈哈，真係好犀利，呢個黃金組合，真係可一不可再，當時我哋拍咗100集左右，如果以處境劇嚟講，100集唔算長，跟住我哋又做埋舞台劇，所以我都係第一次參與由電視劇延伸至舞台劇，算係我演藝生涯中，最寶貴嘅一套劇。」

前無綫編審丨鮑偉聰為洩憤而寫《男親女愛》 諷刺製作部女權至上【下一頁】

{{hket:inline-image name="69e5bafbjw1ezftclckfgj20np0hstaq.jpg"}}{{/hket:inline-image}}

{{hket:inline-image name="69e5bafbjw1ezftcmih4yj20hs0np402.jpg"}}{{/hket:inline-image}}

提到今年年初，Do姐曾在商台節目《口水多過浪花》訪問子華，笑指對方拍攝《男親女愛》時大量改劇本，當時子華解釋：「我想好笑啲！」陳彥行說：「子華神係創作人，梗係有嘢改㗎啦，不過佢改得好有深度，剩係改自己嘅對白，冇改其他人嘅對白，唔會因為佢改咗而影響到其他人，呢吓先好嘢！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】