忽然心動丨湯洛雯首次拍電影七日起貨嗌爽 栢天男演出租男友堅食蟲？

湯洛雯（靚湯）處女電影《忽然心動》快將上映，雖然男主角不是男朋友馬國明，而是馬志威，不過兩人都火花十足。靚湯七日內完成拍攝大嗌爽快，而她同時間拍緊另一部劇集，連續30幾個鐘冇瞓都喺片場精力旺盛，連馬志威都大讚佩服。

{{hket:ul-video id="6937"}}{{/hket:ul-video}}

靚湯與馬志威今次是首次合作，她坦言事前覺得馬志威比較孩子氣，但合作起來才知道對方個性很沉實穩重，非常驚喜，相反馬志威讚靚湯活力充沛，「靚湯真人梗係靚啦，佢好有活力，我記得當時佢同時間拍緊劇，連續30幾個鐘冇瞓覺，現場都係咁活潑可愛，呢個女仔真係勁！」靚湯形容拍電影感覺很爽，好快就完成一個成品，「平時拍劇最少都要兩個月時間，今次電影我開工七日就完成，好快、好爽！」

{{hket:inline-image name="DSC09172.jpg"}}{{/hket:inline-image}}

{{hket:inline-image name="DSC09228.jpg"}}{{/hket:inline-image}}

{{hket:inline-image name="DSC09233.jpg"}}{{/hket:inline-image}}

湯洛雯細妹湯樂瑤靚絕Ball場前途無限 同場堂家姐湯愛嘉喺電影公司做幕後【下一頁】

今次《忽然心動》包含多個年輕人的愛情故事，靚湯跟馬志威同樣是「博愛」一送，靚湯說：「戲入面佢係一腳踏兩船，而我係收十個兵嘅女仔，我哋睇劇本嘅時候都有問，到底得唔得呀？其實一腳踏兩船嘅人真係好勁。」馬志威坦言自己現實中是專一男，在愛情上從來都不追求「霎眼嬌」的對象，反而追求靈魂伴侶，外貌是其次，溝通得到最重要，「其實係懶，我哋好理性咁睇個劇本，到底一個人有冇咁多時間分畀咁多人呀？」

靚湯坦言年輕時都很容易一見鍾情，特別喜歡靚仔，「入咗行之後，工作上遇到、見到太多靚仔靚女，而且長大咗反而更加著重睇佢內心。」

金宵大廈2丨蘇皓兒化毀容妝打破鄰家女孩形象 公開變身過程 原來重口味最想演喪屍【下一頁】

{{hket:inline-image name="DSC09108.jpg"}}{{/hket:inline-image}}

《忽然心動》的另一故事由型男栢天男和短髮女神蘇皓兒主演，蘇皓兒在戲中因為想認識一個男生，但不太識得跟男生溝通，於是重金禮聘栢天男做出租男友實習一下。栢天男大力澄清：「我是出租男友，唔係鴨！只係出租時間去滿足客人心靈上需要！今次拍愛情片唔係動作戲，感覺相對地輕鬆，不過就要食恐怖嘢！有一場我要食法國藍帶廚師為我準備嘅芝士，但入面係有蟲！導演話我放入口前會嗌Cut，叫我放心入戲，點知最終我放晒入口，佢先嗌停！」

提到今次男神女神配，蘇皓兒謙虛不敢承認，「我私底下性格比較爽朗男仔頭，冇乜女神質素，經理人成日話我係露體狂，行為太不拘小節，太多麻甩習慣。」而栢天男認為目前最重要是講好中文，演好戲，甚麼標籤都不太重要。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

攝影：王華婷、馮凱宜
責任編輯：楊安莉