一起走過︳謝寧被爆拍劇遭男主角博懵掃胸 完全無印象：原來畀人恰過

謝寧日前接港台《一起走過》主持人楊紹鴻、文頌嫻訪問，男方大爆多年前拍攝某古裝劇時，男主角臨時更改手部動作，要由謝寧的胸部掃到落肚，女方當場黑面兼想喊。楊紹鴻當時乃新任導演，未有好好處理事件，這次趁機會向謝寧道歉，但未有公開「咸豬手」的身分。

{{hket:inline-image name="facebook1107182246.jpg"}}{{/hket:inline-image}}

{{hket:inline-image name="11073001.jpg"}}{{/hket:inline-image}}

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

謝寧於1985年當選香港小姐冠軍後，由於古裝扮相出眾，受一眾監製青睞拍古裝，令她得到「最靚古裝扮相」之美譽，想不到有這一段不為人知故事。楊紹鴻在節目突然嚴肅表示，要公開向謝寧道歉，「當時我已經係導演，唔識得處理一啲事情，可能謝寧好大方，唔記得件事...我就唔講邊一個人。場戲係咁嘅，係講謝寧被人強姦咗，然之後有咗BB，返到去對住老公，謝寧揸住老公隻手，喺肚印咗一印，意思話『我有咗』；綵排時完全冇嘢，但拍完見到謝寧塊面黑到呢...見到男主角隻手由上面，由謝寧胸部掃落去肚度，見到佢想喊，我都打咗個突，排戲唔係咁。（男主角係故意？）我唔評論，唔講得男主角係邊個，見謝寧好唔開心，又唔知點同佢講。」

王愛倫貼1985年港姐近照 網民：三甲真係算keep到【下一頁】

謝寧卻說：「我知你講咩，但係我唔記得件事。（處事好大方）唔係我大方...男主角睇中我？好彩我老公冇嚟聽，呢個千祈唔好畀佢聽到...講笑啦，原來我都畀人恰過，都唔記得添！好在我忘記咗，真係冇乜記性。啲人幾衰吖，咁都要非禮。（如果而家發生類似事件...）即刻叫導演處理啦，而家幾十歲仲使驚？唔會發生咁嘅嘢...真係唔講嘞，轉話題啦！」

【TVB古裝美女】謝寧選港姐曾因身份慘被攻擊 再嫁得幸福 退隱賣曲奇年賺千萬【下一頁】

楊紹鴻這次未有公開男主角，引來網民為謝寧追緝當年的「咸豬手」，過往她拍過多齣古裝劇，包括《楊家將》、《狄青》、《倚天屠龍記》、《成吉思汗》、《絕代雙驕》及《決戰皇城》等，要全部睇完才知道真正的「咸豬手」。

（↓點擊放大睇圖片↓）

此外，謝寧在節目內都有爆料，指當年自己新人拍《楊家將》時，被監製李添勝誤會遲到，她說：「最好笑拍《楊家將》係全女班，好多人要化妝，成堆人喺晒化妝間，我永遠都係最遲入廠，咁啲人向監製添哥投訴我遲到，我就覺得好冤枉。添哥問我係咪遲到？我話唔係，坐喺度好耐都冇人同我化妝、梳頭...原來TVB化妝間你同邊個熟啲，就可以叫人幫你化妝，我係新人，邊個都唔識，等到啲人入晒廠先到我化妝，變咗我遲到，其實我冇遲，係等咗好耐冇人理我。」而李添勝亦明白事理。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】