張敬軒宣布12月開10場演唱會 講明唱Side Track加經典以歌會友

張敬軒宣布將於12月20至1月2日於灣仔會議展覽中心舉行《Revisit張敬軒演唱會》，並一口氣宣布開足十場，以歌會友演出！繼去年聖誕20周年演唱會同歌迷一齊度過之後，今次軒仔準備為20周年再做一個大總結，想同軒仔一齊再過歡樂聖誕及新年！

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

今次演唱會主題為《Revisit張敬軒演唱會 》，所以今次大會連海報都喺飛機上面影！3年冇上過飛機，無論軒仔定拍攝的工作人員上到機都非常開心及懷念，軒仔重笑言話直頭有「陌生感覺」添。

{{hket:inline-image name="cheung.jpeg"}}{{/hket:inline-image}}

軒仔今次飛去邊？他笑言是由紅館飛到過灣仔會議展覽中心，「係呀我今次飛灣仔，交通好方便，因為有東鐵線，哈哈！我哋之前做完26場二十周年演唱會，歌迷話我仲有好多歌未唱，仲想聽，所以見時間又ok，好多方面都配合到，所以就決定不如一齊為呢個20周年寫上一個完美句號啦！演唱會用《Revisit》呢個字，中文解作舊地重遊，所以呢個演唱會，我將帶領大家用我嘅歌同大家一起重遊20年來嘅回憶。對人、對事、對青春一齊嚟遊歷一次，我相信歌迷同我一樣，會有好多回憶。」

今次演唱會設計三面台，軒仔稱已經好幾年沒有做過三面台，感覺非常新鮮。「今次我哋都好大製作，好重本。首先係音響方面，保證每一個觀眾會有聽覺上最高享受，另外視覺上都會好靚，聖誕新年係開心日子，所以成個騷唔會似上一次咁heavy（沉重），會歡樂好多。另外，我都唔會剩係唱Side Track，雖然好多歌迷話好多Side Track想聽，但係今次係重遊20周年嘅歌，所以經典嘅、好聽嘅都會唱。」

{{hket:inline-image name="1D6A2729.JPG"}}{{/hket:inline-image}}

為了今次演唱會的海報，大會特別包下一個大型飛機艙拍攝，三年未上過飛機，軒仔話上機有少少陌生感覺，不過他都非常期待可以「飛」，所以講明一做完呢個騷就會馬上飛去旅行。他認為雖然三年來唔可以飛係好可惜，不過大家花多好多時間遊歷香港呢個地方，「呢三年大家睇多咗香港本身好多靚風景，而且疫情都教會咗我哋好多嘢，人同人之間相處回憶變得好珍貴。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉