ERROR在2018年出道，快將成軍4年的日子，除了在12月中假九展舉行棟篤笑演唱會外，本周日（13/11）晚上8時30分，播出綜藝節目《ERROR自爆96小時》。他們過往的節目《花姐ERROR遊》、《ERROR自救TV》、《ERROR自肥企画》在晚上10時半或11時播放，這次卻調到合家歡時段的8時半，對撼友台《開心無敵獎門人》。
同場加映：忽然心動丨湯洛雯首次拍電影七日起貨嗌爽 栢天男演出租男友堅食蟲？
ViuTV日前在社交平台上載《ERROR自爆96小時》絕密片段，肥仔（梁業）、193（郭嘉駿）、阿Dee（何啟華）和保錡化身娛樂圈隱閉青年，搞笑地用了化名「肥囝」、「吾係保錡」、「牙Dee」、「一舊衫」上鏡，強調「聲音幾乎經過處理」，齋睇這些已經好過癮。原來四子要在遊艇生活96小時，找來葛民輝、男子組合P1X3L擔任嘉賓。
季前賽丨ERROR肥仔三張疑似不雅照流出？ 出Po解圍點知被IG移除：我太誘惑【下一頁】
四子與P1X3L上岸，在沙灘營火會，肥仔投訴保錡、193不懂烹飪，簡直是「伏」，後者立刻還擊，而保錡也指住肥仔咆哮：「佢明知我唔食得辣！想我肚痛，全部都加辣！」肥仔笑說：「到你哋煮，唔好食嘅話，你哋就知死！」保錡笑騎騎：「我同你講，一定好食，我煮杯麵好叻㗎！」
至於葛民輝和ERROR在遊艇上歎椰青，阿葛說：「啜唔到嘢嘅喂！係咪道具嚟㗎？」193教他撳入去才飲到，阿葛笑說：「咁摩登㗎！撳入去就會出水！」193說：「8點半！8點半！8點半！」
193郭嘉駿@ERROR做兼職儲錢潮扮陳冠希 「爛嘅牛仔褲都炒到過萬蚊」【下一頁】
ERROR拍攝時講了大量粗口，搞到工作人員要不停提醒他們「唔好講粗口呀」、「記得講8點半！8點半節目呀！」後期製作組同事替他們消音，不停加「嘟」，務求「嘟」走所有粗口。不少網民看過這條片，直言期待，要求無刪剪版本，紛紛認為︰「可唔可以轉11點半播？想聽粗口」、「全集只有嘟聲」、「有阿葛好驚喜，ERROR嘅節目點解可以在8點半播」、「有ERROR就有笑聲」。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
