張敬軒下月舉行聖誕跨年個唱

張敬軒昨日宣布將於12月20日至明年1月2日，假灣仔會展舉行十場《Revisit張敬軒演唱會》，跟歌迷歡度聖誕及新年，門票將於本月22日公開發售。為配合演唱會主題，軒仔特地在飛機上拍攝海報，相隔三年沒有搭飛機去旅行，他笑言感覺陌生：「上次20周年演唱會，歌迷話我仲有好多歌未唱，所以見時間又ok，好多方面都配合到，決定不如一齊為呢個20周年，寫上一個完美句號。」

今次演唱會以三面台方式舉行，軒仔感到十分新鮮，「今次我哋好大製作、好重本，保證每個觀眾會有聽覺上最高享受，視覺上都好靚。聖誕新年係開心日子，所以成個騷唔會好似上次咁heavy（沉重），會歡樂好多。另外，我都唔會淨係唱side track，雖然好多歌迷話想聽，但今次係重遊20周年嘅歌，所以經典好聽嘅歌都會唱。」