下流上車族 x 超能使者 x 男親女愛｜黃嘉雯伍樂怡劉穎鏇接連濕身 TVB一晚三劇撞橋爆水喉被鬧多餘

無綫台慶劇《下流上車族》、《超能使者》及2000年劇集《男親女愛》正在播放，昨晚（8日）三齣劇竟然不約而同地出現同一個情節——爆水喉！如有雷同非常巧合，觀眾不禁直言情節老土又多餘！

同場加映：下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

9點半《超能使者》中，阿七（伍樂怡 飾）屋企浴室爆水喉，她雞手鴨腳的她，「搶救」時場面混亂，畀水噴到全身濕透。反反覆覆兜兜轉轉，幸得Open姐（劉穎鏇 飾）自動請纓上門維修水龍頭...吓？佢又有濕身鏡頭！

{{hket:inline-image name="563.jpg"}}{{/hket:inline-image}}

至於8點半《下流上車族》昨晚一集，日文學校校長Peggy（黃嘉雯 飾）一出場大玩濕身誘惑，又係廁所爆水喉情節。劇情講述洗手間爆水喉，為學校清潔的「車總」車志明（林敏驄 飾）見狀即出手相助維修，為女方吹乾衣服。

而在《男親女愛》中，住套房的余樂天（黃子華 飾）竟然撞正洗手間無水，之後又爆水喉嘞，水花四濺，禍不單行，意外燒埋部電腦。

觀眾就批評《下流上車族》及《超能使者》中爆水喉情節多餘，刻意造作，十分業餘，處理手法欠自然。怒罵︰「其實整水喉有甚麼意思？8點半又整，9點半又整」、「劇情需要？睇過」、「一定是導演自肥要求加的，想睇林敏驄濕身」、「學校爆水喉去搵校工啦！火都嚟，撳住有咩用」；「阿七唔係蠢係傻嘅先啱，正常人都知搵毛巾塞住佢啦！點會用隻碟係度撥呀」、「爆水喉唔去閂水掣？要一直咁樣濕身」。

又有人批評昨晚的《下流上車族》是最差的一集，「好唔合理！廁所一幕拍得極不自然，同之前風格完全唔同，畀人感覺冇嘢攞嘢嚟做，多餘嘅劇情」、「希望Peggy、車志明之後出去散心，拍出自然感覺，唔係夾硬加上去嘅『性感』戲...真係破壞咗之前嘅17集」。

{{hket:inline-image name="wong14.jpg"}}{{/hket:inline-image}}

{{hket:inline-image name="2541.jpeg"}}{{/hket:inline-image}}

下流上車族丨林敏驄稱冇盡責任與兩子「疏堂」 網民認同重要過攞視帝：一嚿膠嚟咋【下一頁】

撰文：娛樂組

圖片來源：劇集截圖