聲夢傳奇2丨29歲金永衡曾因輸畀小妹妹感羞家 設限5年盡情追夢：唱情歌好爽

《聲夢傳奇2》中，29歲的金永衡（金仔）被淘汰的一集，引起網民最多投訴及熱論。金仔私下盞鬼有趣，在台上比較拘謹難以發揮，他坦言比賽時感迷失，幸得到其他學員的鼓勵，陪著他走到最後。經此一役，思想成熟了的金仔深切明白追夢有代價，為自己訂下五年目標，希望盡情發揮所長，實現音樂夢。

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

聲夢傳奇2｜金永衡豪宅內貌裝修高雅似皇宮 今屆學員唔少人出身非富則貴【下一頁】

{{hket:inline-image name="DSC03226.jpg"}}{{/hket:inline-image}}

{{hket:inline-image name="DSC03271.jpg"}}{{/hket:inline-image}}

金仔是中韓混血兒，父母在他童年時離異，他不懂韓文，這次參賽目標是打入十強，可惜早段已被淘汰。「當日我都有諗過被foul...多謝樂迷對我嘅愛戴，網民覺得foul第二啲人合理啲，所以網上有咁多支持我嘅留言。其實我都好尷尬，其實foul邊個我都唔想！」29歲的他是比賽中最年長的一位，金仔常被小朋友或者表弟妹稱呼為「uncle」，大感不習慣。「自己開頭都覺得醜怪，覺得好羞恥，個個參賽者都13、4歲咁，仲要砌低埋我...有一場係我同Kiele（鄧曉殷）、Caitlin（楊秉頤）鬥，鬥完先發覺佢兩個年齡加埋都唔夠我大！諗通咗，既然個個都咁細個，我心態上更加要唔怕醜，見到內向嘅參賽者，我就特別令想氣氛開心啲...希望所有人一齊奮鬥努力。」

金仔謙稱唱得不夠好，比賽中途一度迷惘，「一向知道自己鍾意唱情歌，比賽上要接受考驗，演唱唔同歌曲。《早班火車》我唱得唔好，好冇信心，導演Wood、音樂總監Jacky真係好撐我，畀好多好多信任我。私底下，成班學員都覺得我好活潑盞鬼，叫我喺舞台上多啲發揮。我每次上到台總係好拘謹，總之好多謝大家陪我行。」續稱︰「唔想畀人覺得上得《聲夢2》就係明星，明星係黎明嗰種先叫明星，我要謙卑，以半個素人嘅身分慢慢一步一步走落去，儲起更多自己作品。」

聲夢傳奇2｜金永衡細個著韓服影相表情勁得意 學員童年照大集合 你認得出幾多個？【下一頁】

{{hket:inline-image name="DSC03231.jpg"}}{{/hket:inline-image}}

{{hket:inline-image name="DSC03205.jpg"}}{{/hket:inline-image}}

{{hket:inline-image name="DSC03179.jpg"}}{{/hket:inline-image}}

金仔參賽前做過貿易等收入穩定的工作，到決定辭職參賽，才瞭解到自己決心到底有幾大。提到本報踢爆他的寓所豪華得如皇宮一樣，不少網友睇到嘩嘩聲，他表示︰「唔代表有錢，我只係唔算好大負擔，以前生活好少少嘅，不過疫情發生之後，屋企已經唔可以全力支援我，仲諗住冇工開一身輕，可以趁機會去增值考牌、去旅行等等，可惜全部都要擱置嘞！」

{{hket:inline-image name="315014901_1187263945534222_6423149846423444202_n.jpg"}}{{/hket:inline-image}}

{{hket:inline-image name="290824260_306199828304793_452165963762644187_n.jpg"}}{{/hket:inline-image}}

{{hket:inline-image name="280372127_482079900376609_6206643794586618782_n.jpg"}}{{/hket:inline-image}}

有指《聲夢傳奇2》的學員非富則貴，是否代表有錢先可以追夢？金仔點頭認同，「香港絕對係有錢先可以追夢！要做一個藝人唔單止睇才藝，有錢會幫到你好多，睇你學識、背景、人脈等等，可能你去過外國讀書或者讀國際學校，外界先入為主，會感覺你特別有修養㗎！有錢先支撐到追夢，好簡單啦，要比賽就冇糧出，我30歲打過工叫做有啲儲蓄，但如果你只有19、20歲又唔係讀緊書，要比賽哪有錢？」快將30歲的金仔深明自己遲起步，努力追趕進度，「我唔奢求一年內突然好多人鍾意聽我唱歌，我真係想盡快喺兩年內做出成績，隨後三年就會舒服啲！始終男人呀，要養妻活兒，如果做到35歲又冇乜起色，就唔想再抱住假希望，要面對現實嘞！唔係冇憧憬，而係要搵其他工作去養家。」

{{hket:inline-image name="DSC03278-2.jpg"}}{{/hket:inline-image}}

{{hket:inline-image name="DSC03252.jpg"}}{{/hket:inline-image}}

{{hket:inline-image name="DSC03216.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉

攝影：何家賢

髮型：Perry Yung@IL COLPO GROUP