港姐冠軍丨林鈺洧13歲離開媽媽獨住劏房 當選被批屋企細：人生中最大一間

應屆香港小姐冠軍林鈺洧（Denice）接受香港電台車淑梅的節目《舊日的足跡》訪問，憶述與媽媽的童年生活，以及與爸爸林俊賢首次見面的經過。 提到參加選美的原因，Denice指自己人生大部份時間都過得十分困難，當順境時又會感到慌張。正因為前一年的生活和收入也穩定，所以想藉着選美來挑戰自己。

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

林鈺洧爆爸爸有要求做親子鑑定 認同母指林俊賢叫墮胎：都唔出奇【下一頁】

{{hket:inline-image name="thrb.jpg"}}{{/hket:inline-image}}

Denice當選後新聞不斷，令她大感壓力和不開心。「啲指控同說話好難聽，又有網民信，我惟有靠瞓覺和食嘢去調節自己心情，但我相信時間會令誤會嘅人明白。有人話我屋企好細，其實嗰度已經係我人生之中最大嘅一間屋，一個人住兩房一廳已經好奢侈，我個冠軍后冠都放喺度，我好感恩唔會搬。」她希望將來為慧妍雅集效力，並指會努力設立自己的慈善基金，將來幫助單親、住劏房或受虐兒童等。

最近有不少報道提及Denice的家庭關係，父母離異，跟媽媽成長的她13歲時就安排離家自住。「呢個係我哋雙方意願，媽咪好年輕帶住我好辛苦，當時我都明白。有一日，我放學返屋企，佢說大家分開住，我話：『好！』便搬入一個劏房。雖然地方細、隔音差，但我都好開心，我自己學識煮飯同洗衫。其實當年生活比較艱難，媽媽間中情緒唔好，分開住都係一個解決嘅方法。」Denice坦言中學時為了多一點生活費，放學會去當補習老師，或做侍應生。「其實好多事媽咪都唔知道，佢安排我13歲外出自住，就是想我獨立……有一段時期，我曾經壞過，因為高年級啲姐姐帶我去玩，好彩自己身體唔喜歡酒精或嗰啲奇怪嘢，所以逐漸遠離佢哋，就是要碰壁先學識保護自己。我當然不建議家長用我媽媽對我嘅方法，絕對唔可以。將來如果我有女，佢未到30歲，我都唔會畀佢出去（自住）。」

林鈺洧恨與爸爸林俊賢演兄妹 華爾街之花許子萱：金融業有靚女【下一頁】

回想與生父初次見面的經過，她說：「我15歲時，爸爸個女友透過Facebook搵到我。當時我唔知爸爸叫林俊賢，他佢好朋友用車載我去口岸接佢，因為佢住大陸。（記得）佢把聲好大，好有中氣。他上車說一句『喂，Hello』，成架車都震。當時我覺得佢比我緊張，相認之後，我冇話畀媽媽知，因為我怕佢會話：『有冇搞錯，我將你養大，你竟然走去搵個衰人？』同佢相認之後，生活冇乜特別變化，因為佢唔係住香港，一年只見一、兩次。我習慣一個人，知道自己係星二代都好，認識我嘅人多咗，工作機會都多咗。」

Denice直言自小愛逞強，以為自己可以做到很多事情，做不到也要硬著頭皮去做。「每當我遇到解決不到嘅問題，就會鼓勵自己：『最多咪瞓街，又唔係未瞓過！』同媽媽同住嘅時候，我試過因鬧交而走去公園瞓，瞓醒咗就返學，好小事。媽媽唔會搵我，呢個係我哋溝通方法。我沒有迷惘，我想鼓勵大家，只要心存善念，好事便會發生。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉