《愛回家》Latte未見歸期飛泰國玩 鄧伊婷遭猩猩胸襲強吻：駕馭不了

曾在處境劇《愛回家之開心速遞》飾演接龍集團人事部Latte的鄧伊婷，早前因獲無綫安排北上發展，角色疑被Mocha（梁允瑜飾）取代，Latte暫別《愛回家》良久仍未有歸期，不過她有份參演的《法證先鋒V》今晚將播出。而昨日一集的《開心無敵獎門人》，她與同劇演員袁偉豪、洪永城、蔡潔、王敏奕等一同做嘉賓，更同江美儀鬥到最後！

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

在玩「開心無敵爭櫈仔」時，美儀姐多次出招撞開人，就連「阿女」郭柏妍都冇情講，被美儀姐的「無情 Pat」撞飛。由於「爭櫈仔」可以靠「爭贏櫈仔」或是「答啱問題」獲得 Foul 人權，之後她就與鄧伊婷一齊答問題，兩人答啱問題，美儀姐Foul走王敏奕後坐穩，就叫鄧伊婷唔好Foul佢兩個「囡囡」。鄧伊婷無助地問：「咁我可以郁邊個？」美儀姐就指：「你自己嚟。」前者最後就識趣地自己退出，卻獲獎門人「賞識」加入下一場爭櫈仔之戰。

{{hket:inline-image name="tang11.jpg"}}{{/hket:inline-image}}

其後鄧伊婷與美儀姐再度「相逢」，一齊爭輸櫈仔，又要答問題。去到尾段，美儀姐索性放棄爭櫈主攻答問題，她更對對手鄧伊婷「下戰書」：「呢個遊戲真係唔使爭，我就同你鬥到最後！」最終憑住精靈表現成為大贏家，獎門人更搞笑地頒櫈仔給美儀姐做獎品。

最近身在泰國的鄧伊婷，日前Po了一段她在沙法里野生動物園（Safari World）與猩猩合照的片段。片中身穿露腰緊身Tee的她與猩猩合照，卻突然遭後者「胸襲」兼強吻。被殺個措手不及的鄧伊婷即時被嚇到花容失色，笑住「嗌救命」。最後鄧伊婷都有成功同猩猩合照，仲擺出心心pose。她留言：「這隻幸福猩猩真的很熱情很搞笑，我有點駕馭不了。」

{{hket:inline-image name="314922670_143050971811879_2443797640687028086_n.jpg"}}{{/hket:inline-image}}

不少人睇完呢段片即刻留言：「呢隻猩猩一定係人扮嘅」、「喂可以咁樣揸你個波嘅咩」、「呢隻猩猩成日抽女人水」、「可能佢係女猩猩呢」、「懷疑呢隻猩猩係天生好色」。

愛回家丨Latte北上拍劇慘遭易角遊歷散心 被梁允瑜攝位演Mocha取代？【下一頁】

撰文：娛樂組

圖片來源：IG圖片、TVB截圖