超能使者丨陳山聰多產又高質成視帝大熱 黐家全因老婆：後生梗係出去玩

今年劇接劇的陳山聰，每套劇都成為討論熱話，包括《鐵拳英雄》、《金宵大廈2》、《十八年後的終極告白2.0》、《回歸光影頌: 我的驕傲》、《美麗戰場》和《超能使者》，其中在《美》劇中飾演「一言Sir」獲得一致好評，演技得到認同。

{{hket:ul-video id="7025"}}{{/hket:ul-video}}

{{hket:inline-image name="DSC04404.jpg"}}{{/hket:inline-image}}

{{hket:inline-image name="DSC04421.jpg"}}{{/hket:inline-image}}

被捧成視帝大熱的山聰，呼聲的確甚高，早前他接受《晴報》專訪，山聰坦言雖然有信心，但亦做了最大的心理準備，他說：「我覺得『今年未必會係你』，有咁多競爭對手，有咁多咁出色嘅演員，包括安仔（郭晉安），最近《下流上車族》嘅林敏驄，同佢哋一齊提名，對我嚟講已經係一種好大嘅榮耀，攞到就錦上添花，攞唔到亦都唔代表陳山聰冇努力過，就算攞唔到，觀眾都畀掌聲你，我覺得呢樣嘢係更加緊要，講真我入行就嚟30年，我冇經歷過呢30年嘅話，我相信我演唔到『一言Sir』，嗰種自信、嗰種自豪，要有說服力㗎嘛，到我年紀再大嘅時候，我嘅經歷又唔同，Jaco慢慢長大，我睇住佢，我嘅變化都會唔同，到時我嘅戲又會唔同，人哋搵我演嘅角色都會唔同，我相信今日我係演員，將來我都係一個演員，我會活到老演到老，演到我冇氣力再演為止，我會將我嘅生命畀咗戲劇世界裏面。」他笑言希望將來可以獲頒「萬千星輝演藝大奬」。

美麗戰場｜陳瀅冷血害腦退化陳山聰出醜人前 反目後瞬間放下仇恨 劇情被指離奇【下一頁】

山聰在《超能使者》飾演高勇，超能力是刀槍不入，銅筋鐵骨，他開心說道：「拍緊《超能使者》嘅途中，Jaco（兒子）就出世，真係好難忘，當時我拍緊一場大打戲，嗰晚拍到天光，跟住就返屋企執行李，陪老婆去醫院，晏晝就入產房。」山聰表示因為太太，令他變得成熟，更有責任感，他笑說：「我冇諗過陳山聰，喺家庭上面係咁重要，以前後生唔會咁，梗係出咗去玩㗎啦，點會返屋企㗎，而家調番轉，中間有時間都會返一返屋企，就係為咗要見個仔，希望Jaco為呢套劇、爸爸可以帶嚟一啲好運。」

陳山聰半年三套主演劇贏盡口碑 本月推新劇成視帝大熱：仲有變數【下一頁】

問到他想在現實生活中，擁有甚麼超能力？山聰說：「我想要時間停頓，時間對每一個人嚟講都好重要，我唔係想時間停頓而去做一啲壞事，而我希望係可以阻止到一啲意外嘅發生。」時間停頓除了救人之外，年少輕狂的陳山聰亦很想重拾昔日的時光，自從做了爸爸之後，他明白到父母恩的偉大，縱使心裏很愛爸爸媽媽，「我愛你」這三個字總是在嘴唇邊就消失了。陳山聰爸爸生前在澳門工作，他因為拍劇開工，很少時間過澳門探望爸爸，可幸的是，在爸爸最後的一段日子，他留在爸爸身邊，但歲月匆匆走過，子欲養而親不在，令陳山聰對亡父一直帶著遺憾，他哽咽說：「去到最後，我先至可以陪到佢，對我嚟講係一種遺憾，所以我希望可以時間倒流，帶埋Jaco返去見佢，呢個係我最大嘅心願，當然我知道佢喺上面都會見到，睇到佢嘅孫仔有幾咁得意、幾咁可愛，我都相信佢會好開心。」說罷，他拭乾眼淚。

《十八年後的終極告白2.0》花絮｜陳山聰趙希洛老妝現身平行時空再聚 「第三輯可以叫《八十年後的終極告白》」【下一頁】
人生就如馬拉松一樣，令他領悟到走錯又好，跌過也好，「我係低谷過，我係有錯過，但人總係要向前看，有句說話我想講，面對失敗唔係最困難，最困難係你失敗咗，企返起身之後，點樣步向成功，只要你堅持、努力、用心去做，你一定可以跑到去你想跑嘅終點。」

{{hket:inline-image name="21.jpg"}}{{/hket:inline-image}}

撰文：黃曉妍

攝影：何家賢、馮凱宜
髮型：Seiko Sin @hairculture
化妝：Chole Yu

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】