周嘉洛想同陳瀅去旅行

周嘉洛前晚與一眾《愛‧回家之開心速遞》演員，在電視城綵排台慶大型歌舞表演，嘉洛說︰「我出名手腳唔協調，預咗舞步唔齊。」他聽聞今年台慶有環節以組合形式抽機票，所以想邀請《痞子殿下》拍檔陳瀅、朱敏瀚及王灝兒（JW）組隊，「我無抽獎運，所以想叨佢哋光，我哋四個成日都話一齊去旅行，但大家太忙未成行。」

另外，黎諾懿前晚與高海寧（高Ling）錄影遊戲節目《唔玩唔知有獎攞》，他要反手幫高Ling除衫，「我係父母，幫人除衫經驗豐富。最難忘有次我個仔肚屙爆屎，搞到我同佢成身都係『黃金』。」有傳二人好友李佳芯（Ali）有新歡，他們表示不知情︰「等Ali返嚟親自答，我哋都好想知，要約佢食飯問問。」

攝影︰林良明