楊盼盼明年初榮升做岳母 囑咐未來女婿：要愛護我個女

楊盼盼一直在電影界不遺餘力，在內地開設動作特技培訓基地，培育動作演員。至於私底下，盼盼姐亦肩負起單親媽媽的責任，獨力養大女兒楊慈悦（Jessica），所以兩母女的感情十分要好，不論盼盼姐出席任何活動，現時任職時裝品牌設計師的Jessica，總會待在媽媽身旁，為她打點一切。

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

{{hket:inline-image name="DSC05977_600.jpg"}}{{/hket:inline-image}}

盼盼姐曾指自己多年來都熱愛工作，以致沒有太多時間陪女兒，她表示跟女兒說過，雖然大家是親人關係，但將來伴她成長的，都會是朋友，盼盼姐稱女兒長大後，也知道工作是最重要。Jessica日前在IG出post，留言表示婚禮進入兩個月的倒數，原來盼盼姐的女兒要出嫁啦！

《晴報》聯絡了Jessica，她透露與男友尹國豪（Steve）拍拖15年，「我係讀平面設計嘅時候識佢，我畀佢嘅lifestyle同fashion sense所吸引而一齊咗，我哋性格一凹一凸，喜好都好相似，所以平時好少嗌交。」

楊盼盼感恩母親支持追電影夢 「兩袖清風見到學生成長係無價」【下一頁】

問到Steve跟她求婚的過程？Jessica說：「佢為人好低調又文靜，所以好簡單跪低求婚，當時佢攞咗隻戒指出嚟，我已經好唔客氣咁自己帶上手，情況都幾搞笑嘅，無浪漫氣氛，因為本身自己都唔鍾意浪漫情調。我係一個花都唔想要嘅女仔，但係當時佢覺得求婚點都要有花，所以佢最後揀咗乾花送畀我。至於求婚戒指，佢係專登搵一個澳洲嘅設計師為我設計，我哋都唔鍾意跟傳統，所以戒指唔係大眾想要嘅鑽石戒指設計。」

【傳奇功夫女王】楊盼盼曾錯愛有婦之夫單親湊女 桃李滿門開特技培訓基地【下一頁】

Jessica表示婚期安排在明年1月11日，她說：「日子係媽咪搵師傅擇，原本擔心1月會太忙同太急，但我未婚夫Steve好鍾意呢組數字111，所以最後唔改期喇！」問到盼盼姐對未來女婿有甚麼評語？Jessica說：「佢話畀唔到評語，只係想同Steve講『要永遠愛護我女兒』。恨飲女婿茶？媽咪係想與唔捨得之間。」至於盼盼姐會否恨抱孫？Jessica代盼盼姐回覆：「一切隨緣，始終生小朋友係好大嘅責任，我只係想我個女身體健康，無論佢計劃係點樣，我都會全力支持同愛護佢。」

{{hket:inline-image name="60276153_2861231327251176_7718557128196911044_n.jpg"}}{{/hket:inline-image}}

多年來，Jessica與盼盼姐生活，現在快要踏進人生另一個階段，問她可有說話跟媽媽講？Jessica說：「雖然結咗婚，但我依然會繼續做孝順女，多謝媽咪，由細到大都畀好大嘅自由度畀我，令到我生活無憂無慮。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】