與湯洛雯愛巢內部被搬運公司公開 粉絲怒了馬國明坦蕩回應勁加分

馬國明今年8月出席公開活動時因一身貓毛，自揭與女友湯洛雯同居，並愛屋及烏將女友愛貓照顧得妥妥貼貼，而佢哋嘅同居生活亦十分融洽，從未嗌交；早前佢哋第一次去二人旅行，感情仲更加昇華！

同場加映： 忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

馬國明同湯洛雯嘅愛巢從未曝光，甚少更新社交平台嘅佢哋都唔會將好私隱嘅嘢擺上網。不過日前有搬運公司為馬國明搬屋，事後將佢新屋內部同合照分享，唔少粉絲對此感到憤怒，覺得偶像私隱被侵犯兼變相「被賣廣告」，不過一向「順得人」的馬國明反而冇上心，大方坦蕩回應非常加分！

{{hket:inline-image name="1f0ba85366bac8994a72fdb8e41cd513.jpg"}}{{/hket:inline-image}}

近日有一間搬運公司甫出馬國明豎起拇指與粉絲的合照，以及多張疑似馬國明居所的照片，搬運公司留言：「今日好開心，可以幫到馬國明先生搬屋，祝你新居入伙大吉，生活愉快。」相中有大量未拆箱同私人物品，又有行李箱、呼拉圈、麻雀箱、大電視以及貓籠等，就連屋企內部都曝光，白色家具、健身單車，開揚大窗一覽無遺。該批照片一出，即引起粉絲不滿，認為此舉侵犯馬國明及湯洛雯私隱，以及借此賣廣告！

不過馬國明就一貫溫和，表現得好冇所謂，將重點於同粉絲合照上，表示唔會介意；更話有時出街或者去踢波，都會有粉絲要求影相，然後甫上社交平台。佢亦認為大家係欣賞佢先會影相，態度非常正面。

至於曲線「被賣廣告」，馬國明則表示唔覺得似係廣告，而如果似都係由公司去追究，唔關佢嘅事。佢又重申做呢行被要求影相，唔會介意，亦覺得係開心事，因受歡迎先會叫影相，否則見到都「費事同你影」：「無謂將件事搞到咁複雜，只係一件好簡單、好普通嘅事。」至於湯洛雯亦對事件態度亦好淡淡然表示冇回應。馬國明大方又大體嘅回應一出，大家都勁like，又有唔少人表示從小事就可以睇到佢哋嘅修養，非常加分！