炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

無綫音樂比賽《聲夢傳奇》中，一班學員在台上表現出色，包括炎明熹、詹天文、冼靖峰等，都跟高晨維（Cleo）學唱歌。高晨維視一班學生如囝囝囡囡，十分肉緊，由唱歌技巧到內心世界都照顧周到。如此體貼，全因她也曾是歌手，以自身經歷來鼓勵學生，陪伴他們走上燦爛星途。

{{hket:ul-video id="7022"}}{{/hket:ul-video}}

{{hket:inline-image name="DSC02153.jpg"}}{{/hket:inline-image}}

{{hket:inline-image name="Y02.jpg"}}{{/hket:inline-image}}

{{hket:inline-image name="Y03.jpg"}}{{/hket:inline-image}}

1998年，高晨維只得13歲，參加《新城997 Top One 新一代—劉德華慈善歌唱比賽》公開組，並勇奪冠軍，後跟唱片公司簽約成為歌手。星途看似順暢，她入行不久做推出唱片。娛樂圈很「實際」，對於一個從未踏入社會工作女孩，萬般不習慣，她說：「人事上嘅關係好複雜，我要獨自面對。可能有啲歌手要等待幾年先出到歌或者出碟，但我簽完立即出碟，或者會令身邊有啲人難受，佢哋對我嘅態度唔係咁好。又試過有音樂人寫咗歌畀我，後來首歌卻畀咗其他人唱。」小小年紀，就是不懂遊戲規則。

{{hket:inline-image name="photo18.jpg"}}{{/hket:inline-image}}

{{hket:inline-image name="03.PNG"}}{{/hket:inline-image}}

就是青春｜高晨維身經千戰做多個選秀節目導師 望傳承亡父教訓：皇天不負有心人【下一頁】

炎明熹病癒急搵老師操練歌曲 高晨維大讚唱《焰》非常有力【下一頁】

原本單純地只為唱歌，卻因兼顧太多唱歌之外事情，令她萌生去意，「當時決心要我離開嘅，係經常唱歌唔可以真唱，要對嘴唱（咪嘴）。我練歌練得咁辛苦，做咗咁多預備工作，我只係想上舞台唱歌啫，連呢樣嘢都搶走埋，我覺得好冇意思，就同老闆講『我要走』。」

{{hket:inline-image name="DSC02159.jpg"}}{{/hket:inline-image}}

{{hket:inline-image name="DSC02133.jpg"}}{{/hket:inline-image}}

高晨維當日沒有計劃地選擇轉身離開，欲重返校園但遭逢家中發生大事，母親告之，出現經濟問題，面臨破產，她要打工養家。上天關了一扇門，也會為你打開一扇窗，她其中一份工作便是教小朋友唱歌，培養他們的興趣。後來辦學，成立歌唱學校。她回想時，慨嘆：「我以前跟隨秦燕老師學唱歌，佢好早過世，冇辦法好似我而家咁樣，同學生一齊面對問題、困難、順境逆境，企喺前線同佢哋一齊度過！我嗰陣真係...好多嘢唔識得點處理。」

{{hket:inline-image name="a.jpg"}}{{/hket:inline-image}}

{{hket:inline-image name="m.jpg"}}{{/hket:inline-image}}

{{hket:inline-image name="DSC02144.jpg"}}{{/hket:inline-image}}

{{hket:inline-image name="01.jpg"}}{{/hket:inline-image}}

以過來人的經歷，可以預視到一些問題，高晨維不斷為學生們排解困難，「做得呢個行業，每日經歷多少起跌。咁啱喺我十幾歲時經歷過，我想將自己嘅經驗，提早畀意見佢哋。」她有教無類，對每個學生都十分肉緊，即時放假都會跟學生練習，甚至在自己的家陪伴學生練唱，又跟學生聊天來放鬆心情；她和炎明熹都喜歡在天台一起看海，心靈得以平靜，「我識佢嗰陣，佢得12、3歲，睇住佢而家有第一個小成就，每一個過程、階段，我會好肉緊和緊張，我擔心佢會因為一次做得不好而失去信心。」

高晨維踏上教育之路，去看演唱會時，也想過自己有能力成為台上主角。居於幕後，她從不悔有此決定，「再給我選一千次幾百萬次，相信當時都會離開。透過自己經驗、唱歌技術，我希望幫助後起之秀、有夢想的朋友，增加佢哋踏上舞台嘅機會，甚至成為真真正正歌手，呢個先係我嘅夢，我從來冇離開過音樂。」挺起胸膛，經營自己的人生舞台，她找到了快樂。

撰文：王連連

攝影：何家賢、林君茹

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】