無綫娛樂新聞報道｜女主播賴彥妤採訪疑遊魂答完又再問 郭富城「溫馨提示」：我頭先咪講咗囉

郭富城現身海港城擔任亮燈嘉賓，接受傳媒訪問，《無綫娛樂新聞報道》主播賴彥妤負責外景採訪，期間未知是否分心，無聽清楚城城答嘅嘢，問題問完又問，城城原本望住鏡頭，都即刻望一望賴彥妤，說：「我頭先咪講咗囉！」

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

問到城城聖誕節有沒有計劃外遊，他指聖誕有一至兩日的假期休息，佢硬銷說︰「今日出席呢個活動，裡面有好多獨角獸，好靚嘅聖誕樹，好靚嘅燈飾，加上可以籌款。作為Daddy，我會帶我啲小朋友同屋企人嚟呢度打卡，到時喺呢度見啦！」

{{hket:inline-image name="kwok.jpg"}}{{/hket:inline-image}}

話口未完，賴彥妤即刻問：「會唔會帶埋小朋友……」呢句嘢真係震撼過「郭富城失去了一切」呀，城城望向她並回答：「我頭先咪講咗囉！我會呀。我啱啱咪講咗囉…我會帶我小朋友，我屋企人，我太太一齊嚟呢度，因為我小朋友好鍾意……」唔知當時賴彥妤係唔係遊緊魂分咗神呢？無聽清楚受訪者講嘢先會重複問題。

{{hket:inline-image name="kwok3.jpg"}}{{/hket:inline-image}}

TVB台慶節目舉行在即，賴彥妤遊完魂，再問城城：「聽講你係會去TVB做表演嘉賓，係咪真先？」城城表示︰「我係TVB出身，聽到消息話，今年台慶有當年我訓練班嘅老師出現，已經退咗休，我好希望見到佢哋。至於你話有咩表演，尊重TVB啦，等TVB公布啦！」賴彥妤鍥而不捨：「即係confirm嗰日會出席嘅？」城城回覆：「到時你咪知囉！」

{{hket:inline-image name="kwok2.jpg"}}{{/hket:inline-image}}

其實賴彥妤之前做訪問都「出事」。今年5月母親節，她採訪姜麗文，追問對方如何跟媽媽慶祝母親節，女方非常大方沒有尷尬，答得大方得體，「會同父親慶祝」。當時有網民在TVB Facebook留言：「而家啲記者真係冇做好功課喎！咁尷尬嘅嘢，姜麗文答得好好呀」、「小姜的母親已經不在，記者訪問她怎樣慶祝母親節時，最好先了解情況」等等。

2016年生母梁盛子亡丨主播竟問母親節點同媽咪度過 姜麗文零尷尬照回應 網友讚大器【下一頁】

撰文：林惠珊

圖片來源：IG圖片、截圖