193郭嘉駿單拖獻唱粉絲塞滿商場 預告出歌贈「老婆」

「宇宙天團」ERROR成員郭嘉駿(193)今日到商場出席聖誕活動，在節目《ERROR自爆96小時》中提到有粉絲視他為偶像而被朋友取笑，193當場喊爆。為答謝粉絲對他不離不棄，他透露正籌備新歌送給「老婆」。

同場加映：超能使者丨陳山聰多產又高質成視帝大熱 黐家全因老婆：後生梗係出去玩

{{hket:ul-video id="7025"}}{{/hket:ul-video}}

{{hket:inline-image name="33E.jpg"}}{{/hket:inline-image}}

193現場除了與粉絲玩遊戲，還獻唱了兩首歌，首次在商場唱歌，193坦言心情有點緊張：「不過見到fans舉牌信心多番啲，因為我成日都唔記得歌詞，之前出活動唱歌，我都要睇住歌詞，(滿意今日嘅表現？ ）兩首歌都有甩一兩句歌詞」他又笑指希望公司為ERROR多接騷，令他有更多演唱機會。

{{hket:inline-image name="33C.jpg"}}{{/hket:inline-image}}

{{hket:inline-image name="33B.jpg"}}{{/hket:inline-image}}

提到下月舉行的ERROR成軍四周年演唱會，至今還未公布舉行時間及地點等詳情，193表示最近四子忙於拍劇，相信要到12月初才有時間綵排，他說：「其實點都要跳下舞㗎啦，但係跳舞真係要四個一齊排練囉，唱歌仲可以各自喺屋企練，就算棟篤笑部份都要練走位嘅。」193透露正籌備個人單曲，是一首送給粉絲們的歌：「今次我無份填詞作曲，交畀一啲勁人去處理，監製同作曲方面就係星級夫婦。上年出歌同期撞正COLLAR推出成軍團歌，之後又撞正BTS出歌，希望今次唔好再撞自己友先啦，我唔講邊個啦，希望避開(MIRROR)最勁嗰幾個囉。」

{{hket:inline-image name="33A.jpg"}}{{/hket:inline-image}}

{{hket:inline-image name="33D.jpg"}}{{/hket:inline-image}}

提到近年節日都在工作度過，問他想不想有另一半陪自己過節？他笑言：「呢啲隨緣啦！有就最好多幾個啦，一個唔夠嘅，話晒血氣方剛！出道以來我冇女明星鍾意嘅，搞到依家有人以為我係gay嘅，其實我不知幾咁『超直』，女優啲名都背得晒出嚟。」

撰文：黃寶蓮