蕭正楠入行20年開騷圓歌星夢 寸麥浚龍後絕跡樂壇：事業有影響

日前蕭正楠（Edwin）、伍仲衡（Harry）及區永權（Albert）齊齊作客TVB娛樂新聞台節目《StarTalk》，接受主播許文軒（Edmond）專訪，大談三人合作開騷感受。Harry說：「我哋冇刻意去搞騷，就好似之前開網上Live都唔係刻意，因為自己真係好鍾意玩音樂，估唔到三個人開完Live後，跟住又可以一齊合作節目《總有歌聲喺隔離》，再演變成今次合作開騷，我都冇諗住整個組合出嚟，但人一世物一世咩都試吓。我覺得我哋可以跳吓舞，我哋唔係專業，當然唔可以同草蜢比，但我想跳出舒適圈，所以咪要突破自己。」而Albert自爆被太太叮囑他不要胡亂說話，他說：「因為我哋三個都走埋一齊就會亂噏嘢，個防線好低。」

同場加映： Chantel與Aska破11年代溝攜手開騷 預告有驚喜必殺技 阿寶做嘉賓？

{{hket:ul-video id="7027"}}{{/hket:ul-video}}

適逢蕭正楠入行20年，他說：「今次可以話係圓夢，其實呢個音樂會自己想做好耐，因為疫情冇嘢做，開始拎返個結他出嚟，跟住開Live唱歌，又咁啱做咗關心妍20周年演唱會嘉賓。既然係咁，不如自己都做啲嘢，想回饋粉絲，因為佢哋由歌迷變成影迷，都成日叫我唱返啲舊歌，但可能我有啲陰影同抗拒，所以平時登台都好少唱自己歌，今次係一個好好嘅機會。(太太黃翠如點支持？) 佢替我開心，我都有問佢想唔想上台一齊唱歌，因為我喺佢嘅唱歌老師，之前佢要登台幫佢惡補吓。(佢唱成點？) 哈哈！既然我係佢老師，我太主觀，等大家評論仲好啦！」

{{hket:inline-image name="52da6a02bc2fa6c24324dddeec6f6b4c.jpg"}}{{/hket:inline-image}}

談到Edwin當年為何引退樂壇時，他說：「我覺得自己出道第一年係人生高峰，好多媒體注視自己，新人又鬥得好激烈，自己都有啲飄飄然。( 有冇後悔講錯一句『邪不能勝正』？) 其實呢句說話同任何人無關，當時自己都唔知做乜飄咗句嘢出嚟，變咗好似講緊另外一位歌手（麥浚龍）咁。呢件事的確對我嘅事業有影響，令我好快絕跡樂壇。你問我有冇後悔，其實冇話後唔後悔，因為我嘅意思都唔係咁，亦都冇得再解釋。如果當時再繼續唱歌，可能仲快離開娛樂圈都未定，所以而家我都好開心，入咗公司拍咗《師奶Madam》，比我識到黃翠如，人生就係咁。(請麥浚龍做嘉賓？見面會唔會尷尬？) 如果邀請佢，佢又嚟到，係一件好高興嘅事。見面唔會尷尬，其實我好欣賞佢，特別係近年嘅作品，亦係我嘅Playlist。佢好用心做音樂，保持初心，反而我變咗拍劇，佢仲仍然做音樂，我好尊敬佢。」

蕭正楠於2002年出道，同期男歌手仲有麥浚龍、余文樂。蕭正楠出道初時工作多到接唔停手，比較出名嘅歌包括《接受我》以及同關心妍合唱嘅《特別鳴謝》等。蕭正楠於《新城勁爆頒獎禮》、《十大中文金曲》等主要頒獎典禮同麥浚龍爭崩頭，佢奪得《2002年度十大勁歌金曲》「最受歡迎男新人」金獎，而麥浚龍就攞咗銀獎。慶功宴上，蕭正楠講咗句「邪不能勝正」，外界認為係暗寸緊當時盛傳靠關係攞獎嘅麥浚龍，有傳蕭正楠因此遭到「封殺」。