法證先鋒V｜老人院虐老個案引起觀眾共鳴 丁子朗一年5劇獲封「新一代劇霸」

無綫台慶劇《法證先鋒V》要角丁子朗（丁丁）昨晚登場，飾演醫學院學生傅劍成，自發調查護老院看護黃茵（曾慧雲 飾）及何麗（蘇麗明 飾）涉推長者出天台吹風引致意外一事，以巧妙方式協助重案組破案，避免虐老悲劇再次發生。相關個案在互聯網引發共鳴，網民大感唏噓，搖頭嘆息︰「出面係咪好多老人院都係咁？2個姑娘打理20個老人家生活...咁癲」、「其實院舍人手不足問題一直都有」、「唉，老人家真係好慘」、「唔明啲冇愛心嘅人點解要去做照顧長者/幼童嘅工作，做得唔開心...仲要虐待佢哋」。

同場加映：聲夢傳奇丨Chantel與Aska破11年代溝攜手開騷 預告有驚喜必殺技 阿寶做嘉賓？

{{hket:ul-video id="7027"}}{{/hket:ul-video}}

今年年頭在《萬千星輝頒獎典禮 2021》上奪得「飛躍進步男藝員」獎座的丁丁，可以用來勢洶洶形容，先後參演了《青春不要臉》、《金宵大廈2》、《美麗戰場》、《下流上車族》及《法證先鋒V》五套劇集；於《青春不要臉》及《美麗戰場》分飾熱血人物、渣男角色，成功令觀眾留下深刻印象，有觀眾笑指丁丁是「新一代劇霸」。

{{hket:inline-image name="76.jpg"}}{{/hket:inline-image}}

擅演陽光男孩的丁丁，在《法證先鋒V》再次突破自己，扮演自閉陰沉的天才，對製作標本有濃厚興趣。為配合劇情，他需要接觸真實松鼠標本，在其中一段官方花絮短片中，丁丁對著松鼠標本表現驚青兼瘋狂喊驚，不敢直視；到正式埋位，他拿起松鼠標本，專業又認真地演戲。問到拍攝感受，丁丁笑指︰「真嘅標本...我真係好驚，但又要做到好鍾意咁！縫紉嗰一下係縫落標本，嗰種質感真係...真係要克服恐懼。」

丁丁續稱︰「《法證》嘅阿成，我同佢性格好大差異。阿成好冷靜同寡言，同埋有戀屍癖，同我之前嘅角色好唔似，係入行以嚟最喜歡角色。」為了演活角色，事前做了不少功課，「我要好努力去搣甩某啲習慣，譬如講嘢要唔好望人，同埋睇咗好多參考書。」

{{hket:inline-image name="87.jpg"}}{{/hket:inline-image}}

談到今年有五齣劇集出街，丁丁十分開心，坦言：「全部劇種我都好鍾意，覺得自己非常幸運。最開心係五個角色都唔一樣，可以呈現到五種人格畀觀眾睇，我覺得呢個會係做演員最大嘅喜悅，係成就解鎖。」

法證先鋒V｜區明妙為擺脫控制殺死連詩雅 「乖乖女」被識穿後一秒變臉演技獲讚【下一頁】

U Lifestyle App睇盡《晴報》新聞資訊及自家節目
↓ ↓↓同步更新、更快更順↓↓
【免費下載】

撰文：娛樂組

圖片來源：大會提供