離港半年巡唱 胡鴻鈞與蔡思貝關係凍過水

胡鴻鈞（Hubert）與林欣彤、鍾柔美（Yumi）及雲浩影（Cloud）將於下周二（29日）假旺角麥花臣場館舉行的《So Cool音樂會》。在內地巡唱半年的Hubert，昨日與Yumi為音樂會綵排，離港半年的他被追問與緋聞女友蔡思貝的關係時，他直言凍過水！

昨日胡鴻鈞在綵排上與新生代歌手鍾柔美合唱，他笑言自己也是樂壇新人。他指剛從內地返港便密鑼緊鼓綵排下周音樂會，「喺內地巡唱咗半年，嚟緊又再北上，大約農曆年前返嚟。」被問到是否香港的工作都被《聲夢》歌手搶走，所以北上發展？他笑言︰「係去探路做開荒牛，歌迷係最重要，嚟緊開騷就睇下歌迷仲記唔記得我先？」

不清楚緋聞女友爭視后

Hubert雖然今年無劇集推出，但仍有份角逐台慶頒獎禮，但就對緋聞女友蔡思貝入圍爭視后表示不太清楚，問到會否邀請對方看騷？Hubert話︰「睇下佢問唔問我攞飛啦，啲飛好矜貴嘅，我自己都無。」他又指離開香港半年，要跟家人重新建立關係，形容與家人關係變得疏離，被笑問是否跟蔡思貝關係凍過水？他初時未有回答，後來表示︰「真係凍過水啦。」至於提到他不在港期間，對方可有為他撻車，Hubert即表示︰「呢單新聞好耐以前啦。」

採訪︰Pauline

攝影︰林良明

美術︰梁政敏