姚樂怡與曾志偉頭貼頭合照「掉粉」 內地網民促刪相：感覺你掉價了

無綫總經理「獎門人」曾志偉10月時於慶生派對上「親吻」26歲馬來西亞性感女模Lebara（黎峇菈）嘅影片引發風波，片段中曾志偉為Lebara唱完生日歌後，特意走向她身旁一同吹蠟燭，隨後更親吻對方臉頰，對方亦非常受落。事後曾志偉稱只係禮貌「birthday kiss」，強調並唔認識對方，Lebara不久後亦回應指「一場小小的生日祝福，被搞到滿城風雨。」

同場加映：岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

現年49歲嘅姚樂怡近日同曾志偉以及2006年港姐亞軍、洪天明老婆周家蔚聚會，三人係多年好友，感情要好。不過姚樂怡於抖音曬出「親密」照片就惹網民反感，更表示因為咁而對佢「改觀」。

{{hket:inline-image name="ac8215b730ae3f167716a9b03fe625d1saasftp20200221.jpg"}}{{/hket:inline-image}}

相中曾志偉同周家蔚臉貼臉，同姚樂怡頭貼頭，曾志偉又攬住二人，非常親密。周家蔚同姚樂怡皮膚依然白滑，好似少女一樣。不過大部分網民都將重點放喺三人嘅親密程度上，指周家蔚同姚樂怡身為有夫之婦，與曾志偉呢張合照過於親密，超出社交禮儀，容易惹人誤會：「已經結婚，最好保持一點社交距離。」唔少人更表示因為咁而唔再follow姚樂怡，留言：「這個視頻不掉粉說不過去了」、「突然間感覺你掉價了，哎太失望了，有他在，影響你的人氣」。又有人叫佢刪片：「真的沒必要，相當多的人討厭這個羅漢果，最好是删了吧。」

不過姚樂怡對留言一啲反應都冇，冇落井下石都可以話係有情有義。姚樂怡當年出道係無綫（TVB）電波少女一員，以性感形象示人為人熟識。直至2012年嫁給未婚夫吳俊匡後，姚樂怡逐漸淡出影視圈。2015年姚樂怡誕下女兒，榮升人母後其身材依然Fit爆。姚樂怡近年不時更新抖音分享生活片段，收穫66.7萬粉絲，人氣多年不減。