麥當勞推Baby MIRROR限量包裝盒 12子拍攝宣傳花絮曝光

話咁快又到咗最啱搞party嘅年尾，黛安聽聞，麥當勞繼上年同MIRROR合作，推廣美食掀起全城熱潮後，下月初將同鏡仔再度攜手推廣金黃香脆、多汁同肉質嫩滑嘅麥炸雞，仲特別設計咗有Cute版人仔Baby MIRROR，以及麥當勞代表性圖案，如薯條、漢堡包、蘋果批等嘅卡通服飾，畀12名成員喺拍攝宣傳片時穿着，型格之餘仲增添一份可愛「脆」致感覺。

麥當勞更會推出鏡粉一定好鍾意嘅Baby MIRROR限量版主題麥炸雞包裝盒，並首度曝光MIRROR拍攝宣傳片時嘅快樂搞鬼花絮，為即將登場嘅連串慶祝活動揭開序幕。

黛安相信，廣大市民特別係一班鏡粉，見到MIRROR聚首一堂，排排坐品嘗麥炸雞，一定急不及待想同party最佳美食麥炸雞參與年尾聚會，開心迎接聖誕佳節來臨！