繩角丨Lokman深感自責害死大師兄 網友不捨 駱振偉：睇到好心悒

ViuTV劇集《繩角》本周六大結局，在昨晚播出的一集，「大師兄」袁天就（駱振偉 飾）與「亞洲拳王」井澤魂（王智德 飾）在擂台上對戰，袁天就奮戰3個回合，打破井澤魂在3個回合內擊倒對手的紀錄；第4個回合，李承東（楊樂文 飾）向袁天就建議打擊井澤魂頭部，對方成功閃開下繼而攻擊袁天就側腹、兩邊耳仔，後者雖能勉強站起來，但耳鼻已滲血，最終在擂台上倒下，神智不清的他仍不斷向空氣出拳，畫面之震撼，令觀眾的心情十分沉重！

同場加映：岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

{{hket:inline-image name="20.jpg"}}{{/hket:inline-image}}

{{hket:inline-image name="21.jpg"}}{{/hket:inline-image}}

原來，井澤魂是故意誘敵，令袁天就使出頭部打擊這一招。勝負關鍵亦在這一拳上，李承東知道後極度自責，內疚自己的錯誤判斷而令大師兄陣亡。不少網民留言表示睇到好心痛，大讚駱振偉是一位非常出色的好演員，「瞓低之後不停出拳，畫面好震撼，係大師兄好令人難忘嘅結尾」、「淨係你為套劇所付出嘅已經係Legend」、「今集好精彩亦都好痛心」。

繩角│駱振偉爆同AK孭40kg真鐵鏈上山 與Lokman半裸沖涼騷爆肌身材【下一頁】

《晴報》在《繩角》昨晚播完後致電駱振偉，他接電話的一刻，感受到其心情仍未平復。對於不少網民在他的IG以洗版式留言「還我袁天就」，駱振偉說：「觀眾太愛呢個角色，好多謝！好感動！頭先我同老婆一齊睇時，都睇到坐立不安，好多謝團隊上下，故事寫得感人。」太太有沒有睇到喊？他表示：「有呀！佢好欣賞群戲部分，佢有啲憎魯堅（梁祖堯 飾），但見到魯堅為袁天就喊，佢都睇到好感動...唉...阿東嘅自責，我自己都睇到好心悒。」

提到在IG出post，「告訴我，袁天就有成為Legend嗎？因為我已經不知道了。」他如此回答：「我好想知道網民嘅想法，呢個拳手已經付出佢嘅所有，面對強勁對手時，係拼命三郎，對我嚟講袁天係一個傳奇。」開拍《繩角》前，駱振偉與其他演員付出不少心機、時間和汗水，操練到一身結實的肌肉，的確不容易，他坦言一切辛苦都是值得，「當初我接到呢個角色嘅時候，我同監製、導演講『信我』。我之前係肥肥地㗎，我會付出所有，呢一刻我冇後悔。」

繩角丨AK苦練收腹動作全靠意志力 Lokman：啲腹肌真㗎【下一頁】

問到拍攝在擂台對打戲份時，是否擔心打傷「肌肉就是力量」的王智德（Alton）？駱振偉說：「驚㗎！我比Alton好啲，因為我之前喺觀塘已經拍過一場擂台對打戲，叫做有咗經驗。我記得嗰日係Alton第一場戲，佢都驚...我同Lokman（楊樂文）、AK（江𤒹生）話打咗先，打中咗咪say sorry，攬攬囉！其實最尾打耳仔嗰拳，為咗戲劇效果，我係硬食嗰拳，當然Alton唔係用全力啦！」他表示袁天就這個角色死了，笑指自己是時候「食花生」，繼續追看之後的劇情發展。

去年離巢無綫｜羅浩銘為《繩角》擔任動作設計 大讚AK Lokman學得快：為佢哋感驕傲【下一頁】

第12集（30/11）劇情： 

歐陽駿（江𤒹生 飾）終於醒了，經過這次意外，歐陽駿與秀賢（林愷鈴 飾）心意相通，感情更深厚。歐陽駿在秀賢陪伴下做復健，碰到一眾師兄，大家慰問歐陽駿。出院當天，歐陽駿疑惑大師兄從來沒探望過他。金城亮（湯駿業 飾）以井澤魂為誘因，再次找上李承東，李承東與井澤魂見面。歐陽駿與秀賢提及想跟井澤魂比賽，希望得到秀賢的支持。歐陽駿重回拳館開始正式訓練，為與井澤魂的比賽作準備，李承東拒絕並找魯堅理論。李承東為了不讓歐陽駿對戰井澤魂，他決定不再當歐陽駿的訓練員，並下了個重大決定。

{{hket:inline-image name="12_5.jpg"}}{{/hket:inline-image}}

{{hket:inline-image name="12_4.jpg"}}{{/hket:inline-image}}

{{hket:inline-image name="12_2.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】