法證先鋒V｜袁偉豪被《愛回家》影射回應有骨 蔡思貝撓埋雙手眈天望地似搭枱

41歲的袁偉豪（Ben）擔正台慶劇《法證先鋒V》主角，飾演刑警，角色常常木口木面，被黃宗澤取笑是「面癱刑警」。日前他出席《法證先鋒V》宣傳活動，回應「面癱刑警」稱號，以及早前《愛回家之開心速遞》影射他與傳媒關係欠佳一事，他直言會「搵編劇傾吓偈」。不過從TVB娛樂新聞台的片段中可見，最搶Fo的反而是劇中他的「女朋友」蔡思貝，在袁偉豪受訪時全程不在狀態，不只眈天望地，更撓埋雙手不望鏡頭，網民指她似足「搭枱」！

{{hket:inline-image name="23e7c470d6a280e4d2002726468b9f4f.jpg"}}{{/hket:inline-image}}

同場加映：岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

對於被指是「面癱刑警」，袁偉豪解釋：「我個角色係長期唔夠瞓，所以唔會有精神，冇精神自然冇乜笑容。而且我飾演嘅係一個警察，有警察嗰種尊嚴，唔會嬉皮笑臉。再加上Bosco喺劇入面話我係『面癱刑警』，呢啲我哋都有傾過，所以我就跟住呢個方向去演，大家都有默契。」

{{hket:inline-image name="45.jpeg"}}{{/hket:inline-image}}

近年新聞多多的袁偉豪，幾個月前馮皓揚退修TVB藝員訓練班，導師之一的他遭網民質疑導師資格，當時他在網上留言：「我欠咗你哋班傳媒？」誤中副車，傳媒躺着也中槍，網民再嘲笑他小器，不堪批評。早前又爆seed不滿傳媒對其新歌的報道「錯重點」，就連「自己友」《愛回家》劇情都抽水，KC（歐瑞偉 飾）㷫爆一句：「你質夠我未呀？我而家欠咗你班傳媒呀？」影射袁偉豪與傳媒關係差。

袁「有骨」回應「有骨」：「我無睇過《愛回家》呢集劇情，後來有啲報導轉載，我睇到就覺得『咦咁得意呀』，我唔知佢哋係咪寫到冇題材啦，要搵啲題材寫吓！幫到件事又過癮，又有咁大反應咪開心囉...我都會搵編劇傾吓偈。」

袁偉豪身旁的蔡思貝在受訪時一直撓埋雙手，極不耐煩，仲眈天望地，似足路人。在最後她突然回過神，搭咀叫袁偉豪加入《愛回家》，「你扮番自己啦！」

{{hket:inline-image name="y7.jpg"}}{{/hket:inline-image}}

Star Talk｜袁偉豪飽受批評慘成箭靶感不公平 多謝黃翠如提點：叫我Del社交App【下一頁】

撰文：娛樂組

圖片來源：東星圖片、TVB影片截圖